哈日族喺日本一定去过杯麵博物馆，以往日清喺香港也不时搞 pop up，畀大家玩下自製杯麵。粉丝终于等到喇！因为嚟紧「我的合味道工作坊」会长驻香港！仲有世界首个「出前一丁工作坊」登场，即刻预告下！ 虽然而家通街都係日本拉麵店，但亦无减香港人对杯麵和即食麵锺爱。日清以往每年都会喺香港举办「日清嘉年华」，其中可以畀大家玩 DIY 杯麵的「我的合味道工作坊」极受欢迎，每次都大排长龙！ 好消息係「我的合味道工作坊」将长驻香港！嚟紧喺 11 月 30 日将于香港国际机场二号客运大楼童梦城通识学园同大家见面，届时大家可以随时拣选心水配料和汤底，并设计包装，打造一个独一无二的原创杯麵。更开心係，世界首个「出前一丁工作坊」亦将登场，同杯麵不同係，大家可以感受搓揉麵粉、切麵和炸乾麵团等工序，并亲自设计包装，DIY 属于自己的出前一丁，听到都想玩！