牛角包每人限购三个咋，仲有其他抹茶产品俾抹茶控大饱口福！

---

抹茶控可能对Chef Tiff's Kitchen(CTK)唔陌生，今次Tiff就同黄婉曼开设嘅RISE嚟个crossover合作推出抹茶熔岩牛角包。牛角包由前东京蓝带学院技术总监，RISE嘅麵包大师Stephane Reinat反覆实验，以Red Label麵粉同丸久小山园抹茶粉製作，既有浓厚抹茶味，又保留到牛油香味，鬆化得嚟味道都好有层次。牛角包卖点係「熔岩」，切开就係流心抹茶吉士！抹茶吉士成份有法国忌廉、日本鸡蛋黄、3.6牛乳同丸久小山园抹茶粉，经多次调配改良，香醇幼滑，试问一众抹茶控又点忍到口？ Menu 预订时间由25/6 9PM开始，PICKUP日期时间则为15/7&16/7 3:45-4:45PM。 *因配合餐厅本身运作，PICKUP逾时不候，食物亦不能暂存待取。如有需要可找亲友代取。 上次推出80份5分钟卖晒，大家今次要捕实～

---

关于Chef Tiff's Kitchen 近年有唔少人喺Instagram开店，Chef Tiff's Kitchen就係其中一间成功小店。​23岁嘅陈蔚琦Tiff正职係一位音乐创作人，又要keep fit又锺意抹茶嘅佢一开始研究同製作较低糖健康嘅抹茶甜品就係为咗满足自己，亦会同朋友分享。经无数朋友试食和鼓励下，Tiff终于喺2015年10月胆粗粗咁开设咗属于佢嘅Instagram (IG) 甜品店 @cheftiffskitchen 电音实验厨房 (CTK)。CTK 嘅甜品就好似佢写嘅歌一样，专门以实验形式创作唔同类型嘅低糖抹茶甜品，并选用高级食材同山政小山园宇治抹茶粉， 以保证食品质素。初期只係有特浓宇治抹茶千层蛋糕及少量其他甜品，冇几耐CTK就推出咗原创抹茶芝士挞，亦係全港首个推出抹茶芝士挞的品牌。 CTK至今成立一年有多， 已经有过万名followers， 亦有唔少週刊访问报导同food bloggers推介，每次嘅团购都会迅速爆满！储够Budget嘅Tiff计划成为2017年乐坛新人，但佢都希望尽力保持CTK运作，同各位抹茶控继续交流！