炎炎夏日无嘢好做？今个夏日，乐・活马湾有一个俾大家放空享受大自然同阳光嘅机会，一齐好好计划属于自己嘅暑假。 我哋将会喺7月15日举办「乐・活马湾夏日市集－编织暑假」。话明係编织，就梗係唔少得手绳工作坊啦，仲有挑战大家艺术细胞嘅以物换物环节，同埋适合一家大小嘅歷奇体验工作坊。除此之外，仲有创意市集摊位，售卖唔同嘅手工艺品同艺术品，保证大家乐而忘返！ 仲唔快啲约埋亲朋好友过嚟马湾，等我哋同各位编织属于你哋嘅暑假啦！ 1. 编织手绳工作坊 有衝动买手绳但係一直揾唔到最适合自己嘅手绳？唔洗怕！我地嘅工作人员会教大家一齐织手绳！咁大家就唔单止可以整到自己锺意，独一无二嘅手绳，仲可以学多一门技能添！对象：任何人士（5岁或以下之小童，需要家长陪同参与。） 费用：$10／条 2. 儿童遊戏讬管 小朋友总係精力旺盛，喺呢度，你可以放心交讬你嘅小朋友比我地教练，教佢一啲基础嘅绳结，提升佢嘅生活技巧。对象：小朋友（12岁以下） 费用：全免 3. 动力蝴蝶工作坊 小小机关化为大大力量！我们的导师会教授大家手製作一隻隻栩栩如生的蝴蝶！ 对象 ： 任何人士 费用 ： 全免 4. 绣曲线换物 你想挑战自己嘅艺术触觉吗？今次马湾市集希望收集大家嘅绣曲线创作，用简单嘅线同交点编织复杂而美观嘅图形。透过同你嘅作品合照，同分享你嘅作品，即可换取精美小礼物一份。 对象：任何人士（5岁或以下之小童，需要家长陪同参与。） 费用：全免 工作坊报名：http://goo.gl/forms/nuoldTfMwPVlIyB03 **报名名额有限，如欲报名请从速。 工作坊报名截止时间为7/7晚上7时正。成功报名者，将于2017年7月10日或之前收到通知，如未能收到「成功报名」通知则当作落选论。