夏日炎炎，最爽嘅梗係食雪糕啦！嚟紧由7月15日至8月31日，浅水湾the pulse商场将会喺沙滩旁边举行集食、玩、派于一身嘅 Endless Summer Ice-Cream Festival，每星期都有唔同主题嘅究极玩味雪糕；而喺7月15同16日全球雪糕日，the pulse更有一连两日嘅Cool La La雪糕派对，等大家可以过凉透心嘅summer！ Cool La La雪糕派对​ Ice-cream Bar 要炮製究极玩味雪糕，就要靠雪糕店嘅帮手喇！the pulse联同Make it、Ice-Cream Gallery、Ice’Licious 、DOLCI 2/3及妈咪鸡蛋仔，加上主场餐厅Limewood、Amalifitana、 Chicken on the run 、ShoKu、The Coffee Academe，配合「估你唔到味」、「外貌呃Like协会」、「香港代表队」3大主题，创作出超过30款崭新口味，保证有新鲜感！同场仲有最啱口味吧，畀大家自选唔同口味嘅雪糕雪条，创作完全属于你自己嘅味道，包保啱你心水！ 话明雪糕派对，除咗有得食之外，当然仲有得玩啦！ 土耳其雪糕表演 the pulse邀请咗台湾炙手可热嘅土耳其雪糕i-doo，将土耳其雪糕表演首度带嚟香港！温馨提示，要食呢杯土耳其雪糕都唔係咁易，事关每个土耳其雪糕师都练得一身「耍人」好本领，想食免费雪糕就要眼明手快喇～ 现场仲有大量影相打卡位，用嚟影相呃like就啱晒！ Fizzing Pool 瞓喺畀「雪糕」包围嘅泳池入面，真係又sweet又凉爽！小T强烈推介锺意粉色系嘅女生嚟，喺度影出嚟嘅相一定好梦幻！喺Fizzing Pool入口，仲有一个Melt Your Heart装置，情侣们可以喺度影相，尽情放闪！ Chilling Zone 成个Chilling Zone都係用雪糕堆砌，睇见都Chill！影相用嚟做背景亦都係一个唔错嘅选择～ 得宠站 带埋宠物嚟参加更开心！作为一个Pet Friendly嘅商场，the pulse细心地安排咗适合主子食嘅雪糕，等主子都可以喺炎炎夏日降温。「得宠站」更有两大雪糕主题场景，等奴才为一众主子拍摄搞鬼造型照。 同场更有多个手作摊挡，一系列以雪糕为主题的特色单品又有工作坊教你做雪糕饰物、家品。文青必行呀！ 仲夏梦放映馆 每隔周末就会播放以梦想为主题嘅电影，头30位进场观众更可免费获得一杯象征梦与想的独角兽「梦想味」雪糕。喺浅水湾旁边，一面食雪糕睇电影，一面欣赏迷人景色，真係够晒写意呀～ 温馨提示，逢星期六、日会有免费穿梭巴士接载大家往返海洋公园港铁站及the pulse，由金钟到浅水湾只需要15分钟！咁大家去玩就更加方便啦～