唔少餐厅同商店都有联乘Miffy推出商品，反而下午茶就冇乜！今次终于到金钟AMMO推出期间限定嘅「AMMO x MIFFY 仲夏之旅」主题下午茶！见到一系列Miffy造型嘅精緻下午茶美点，真係唔忍心将佢哋食落肚呀！ 首先咸点有： 一口芝士牛肉汉堡、甘荀仔伴鹰嘴豆茸、西班牙番茄冻汤 甜点就有：浓朱古力慕丝蛋糕、焦糖香蕉蛋糕、朱古力甘荀杯子蛋糕、法式焦糖炖蛋、白朱古力草莓慕丝、马卡龙、Miffy 果汁糖、牛油曲奇 部分点心印上Miffy嘅得意唛头，用嚟影相呃like一流！下午茶包含两杯咖啡/茶，用埋Miffy餐具歎下午茶，粉丝们应该会特别开心。而家惠顾下午茶，每位客人仲可获赠于荷兰生产嘅限量版Miffy锁匙扣一个，一共有6款造型。快啲约埋frd子一齐去啦！ 餐厅位处嘅亚洲协会香港中心四处都有Miffy踪影，包括由阿姆斯特丹艺术家Marte Röling创作、首次喺香港展览嘅巨型Miffy装置，有成1.8米高，铺满纯金金箔，high tea完再selfie 几十张都冇问题啦﹗