大家知不知道原来新界东北有一片土地，一班「甸」人做「甸」事。他们努力作出很多非主流的尝试，这一面是你所不知道的「另一面嘅香港」。 展览以人在田中劳作为题；甸：家园、土地；探索在香港另一种生活可能性，引起人们的反思动物—人—土地三者间的关係。 主办：马宝宝社区农场 Mapopo Community Farm 合办： (场地) 合舍 Form Society (摄影师) David Ng@Todayz Photography, Vincent Chan@Composethestory 印刷赞助：Kodak Express HK, 941in

---

咩咩出城宣传路线： 第一站：富琴有机火龙果农庄 一直住响新界东北石湖新村的我，趁住展览宣传出下城，路过附近古洞好出名的富琴有机火龙果农庄，探下佢D细叔伯之余，发现原来果园仲有大肥猪、恩爱猫、乖乖狗、大牛牛！琴姐仲请我食左个新鲜火龙果，真係好味到咩咩声！ 第二站：维多利亚港 上水有条梧桐河，老一辈叫佢做「凤溪」，今日係我生平第一次走近个海，就是呢个维多利亚港。以前D细路背书话：维多利亚港水深港阔；后来又听讲话要填左佢－－因为香港要多D土地发展㖞。 不过睇黎睇去，港的两边都已经有好多排高楼，卖点係话有海景。咁个海越填越多、响前面果排的楼又係卖海景，后面果排点算？然后再填海，越填越多，最后，係咪最前果排係睇「楼景」？还是两「岸」间叫「维多利亚巷」？ 第三站：皇后码头 没有CITY HALL，认不出「皇后码头」位置。昔日的位置。后面有个「小会展」在展览（好似係），展什么都唔紧要，最紧要係保安叔叔好紧张，见我路过在外面影相就望到我实，又係咁CALL台滙报。 香港人，RELAX D啦。得閒嚟东北食草，我请点话。 第四站：天星小轮码头 由细到大，我都一直听D人话香港旧时是条小渔村，但明明羊咩我既祖祖辈辈一直都係香港到住，以前香港以农为生，大家都係食米大，香港并不只是「一条小渔村」。唉，可惜啊，羊咩我冇缘食到本地产既丝苗米啦，仲有好多野一直消失中！呢个「世界着名维多利亚港」越黎越细，搭船过对岸只係5分钟。唯有影张相打下卡咁啦。等我再同大家讲多点「你不知道的是」啦，下个打卡点待续。 第五站：摩天轮 来到摩天轮外，带我出来的司机说，这是「幸福摩天轮」。我不明白。在天空转了一圈，望望远方极污染的空气、密麻麻的楼宇、污染的海水、街上暴晒的工人在清洁街道却得不到合理的工资。 我看到的，都不幸福。到底，是谁唱出这谎言。 第六站：横洲 羊咩咩除左住响东北外，我都有唔少亲戚住响元朗架，元朗南、洪水桥、锦田我都识路架。 横洲，成日新闻都听到，原来除左官商乡黑，仲有大树菠萝，又有好多动物架，听返呢度D村民讲，佢地以前都有养过鷄和猪。其实讲真，政府又话要拆古洞、粉岭北，数埋数埋其实差不多同时时间开始也有横洲，原来洪水桥的土地好快都会被消失。咁，我地仲可以去边度食草呢？ 呢个村口头就係村民守村三个月的地方，佢地话其实守村虽然又热又多蚊，但当村民聚在一起守村时，真係越守越老友架，仲有好多野食添！村和家园，真係好重要架。 第七站：土丘 陕西有个华山，上水也有个华山，而上水华山有个好地方，叫「土丘」。 呢班后生仔好叻架！又识整面包 （我都好锺意食面包）、又会做木工、製陶瓷，仲耕田添！佢地话㖞，希望呢D活动可以聚多D人在这个「小山丘上」，一齐发掘生活的唔同可能。 佢地整嘢真係真係真係好好味架！ 终点站是8.26合舍展览啊！

---

展览期间活动@合舍 1. 2017/08/26 6pm-8pm 提供食物及饮品 详情：https://goo.gl/gATd69 2. <酒酿桂花丸子工作坊> x <电影咖啡馆> 2017/08/29 工作坊 2:30pm-4pm（全满） 电影咖啡馆 7pm-9:00pm 详情：https://goo.gl/129p7z 3. <酒酿桂花丸子工作坊 － 加开班 > 2017/08/31－－2:30-4pm （仅加开一次） 详情：https://goo.gl/Bx33Dd 4. 2017/09/08 7pm-9pm 提供食物及饮品

---

鸣谢： 摄影作品：David Ng & Vincent Chan 场地赞助：合舍 Form Society 相片印刷：Kodak Express HK, 941in 海报设计：Kayan Poon 毛笔字体：Kyan Kwok 协助拍照：马宝宝社区农场各成员及合作农夫、养羊养蜂的华叔、村民、动物 宣传队司机：John Choy 策划统筹：明桦及大吉