LOCOLOCO今年万圣节又返到D2 Place喇！今次市集将会玩转一期同二期，除咗包括过百档本地小店比大家买到够之外，亦都有大量「应节」佈置、特式道具，例如万圣节戏服等，俾大家用嚟影相打卡！今次亦都准备咗丰富嘅活动内容，无论小朋友到老年人都非常适合一家大细或同朋友情侣嚟玩！ 过百摊位　特色产品 话明玩转一期同埋二期，咁就当然会多野睇啦！今次市集单单係特色摊档加埋就已经过百档，除咗店主们精心设计嘅手作作品外，更加会有唔同嘅万圣节主题产品，例如「Venus Art」设计一系列万圣节图案喷绘纹身等等。另外，亦感谢「EM!E 轻奢饰品手作工作坊」店主赞助送出10个万圣节主题耳饰，以及由「LAZY DUO」赞助送出10个哗鬼回魂Chucky 或 Pumpkin 纹身贴纸，只要去齐两边市集储印仔再喺市集有任何消费就可以获得，名额先到先得，送完就冇㗎喇！ 好玩满FUN 万圣节工作坊 嚟行LOCOLOCO市集，除咗可以当行街买野之外，就当然唔止咁少野啦！因为今次我哋市集仲有啱晒男女老幼玩嘅工作坊！例如有「扮鬼扮马拍摄工作坊」，只要嚟市集玩嘅朋友，讚好LOCOLOCO Facebook专页即可，就可以借到一套万圣节服装喺现场拍摄，识玩就紧係去我哋佈景板前影相打卡！另外，现场仲会有「万圣节布袋印章工作坊」，又係去齐D2 Place一期及二期市集，集齐两个印章，再喺市集内有消费，就会得到一个布袋，大家可以用万圣节印章喺布袋上面发挥创意，不过布袋数量有限，送完即止，所以记得早啲到！ 气球糖果 现场大放送 为咗大家可以喺万圣节可以过得开开心心，只要客人今次嚟到市集现场，并讚好LOCOLOCO Facebook专页，就可以得到活动特色气球或者应节糖果！另外，如果大家行到攰，亦都可以去买应节血浆爆谷食吓补充体力。讲咗咁多，今次市集加加埋埋嘅活动咁丰富，你又点可以错过呢？到时见！