11月LOCOLOCO又返嚟带大家玩转D2 Place一期同二期喇！今次市集将会以色彩缤纷的气球作主打佈置，配合其他色彩元素，如七彩爆谷、创意气球工作坊等等，现场亦会有大型气球装置以供拍照，希望今次市集可以带到七彩梦幻嘅派对气氛比大家啦！ 市集会玩转一期同二期，过百档手作及设计小店等住大家嚟行！活动现场将会有大型气球佈景板、爆谷气球拱门同各种特色气球，非常适合拍照留念！行街影相仲未够，咁亦都可以玩埋气球工作坊，尽情发挥创意，连小朋友亦都啱玩㗎！ 过百小店　手作创意 今次市集D2 Place一期同二期都会揾到手作及设计摊档，加埋有成过百档，相信实会揾到啱你嘅野！现场除咗店主们充满心思嘅手作作品外，更加会有唔同色彩嘅主题产品，例如「Hottestloveshop」用心去製作嘅布艺、「Yumuhk玉木香港」创新设计嘅剑球、「紫蝶花工艺社」充满少女感嘅饰物、「Hannah Huang Jewelry」突显手作温度嘅作品、「Travis Leather Workshop」手工染皮及全人手製造嘅皮革作品等等！各式各样精心设计，非常值得你过嚟慢慢睇慢慢选择！ 开心满FUN 创意气球工作坊 除咗可以行街买野，今次LOCOLOCO市集仲设有两个充满创意嘅气球工作坊，男女老幼都啱玩㗎！第一个工作坊係「气球绘画动物工作坊」，参加者可以自由发挥，用现场提供嘅物料将气球加工，锺意拼拼贴贴又得，用笔绘画都得，一齐燃烧小宇宙啦！而另一个就係「扭气球工作坊」，参加者将会根据简单易明嘅指示学习自製指定款式嘅动物扭气球，可以学到新绝技之余又可以带走得意动物扭气球，一举两得！想参加工作坊，办法好简单，只要去齐D2 Place一期及二期市集集齐2个印章，并在市集内有任何消费，就可以二选其一参与工作坊！ 大型气球装置 气球大放送 活动现场将会摆设「大型气球佈景板」，供人免费任拍任影，如果想喺充满梦幻感觉的七彩糖果色气球背景前影返张靓相打卡抢讚，就千万唔可以错过喇！另外，现场亦都有气球爆谷拱门同一大堆特色气球可以拎嚟影相，到时要谂用边样影相都几烦恼！为咗大家可以嚟LOCOLOCO可以玩得开开心心，只要你嚟到市集现场并讚好LOCOLOCO Facebook专页，就可以得到活动专用特色气球！最后，如果大家行到耐想揾野咬吓，亦都可以去买特色七彩爆谷食吓㗎！加加埋埋，今次市集有得买、有得影相、又有得玩，你点可以错过呢？