百分百属于香港嘅乐坛「长青树」修哥以86岁之龄登上红馆开演唱会，真係破晒纪录！大家都知舞王修唔单止相识满天下，直头係契仔契女满天下！因此，修哥一话开红馆，各方好友马上自荐做嘉宾，当中已知嘅嘉宾包括张家辉、刘美君、张达明等等，「我份人乜都唔怕，但开演唱会面皮薄，契仔、契女以前都帮咗我好多，碌人情卡碌到爆晒嫁喇。」修修咁谦，相信嘉宾名单将会陆续有来！ 虽则修哥係以86岁之龄登上红馆，不过年龄唔係问题，近来已同音乐总监周啟生密密綵排练歌。为咗今次演唱会，修哥话佢已经冇食煎炸食物，仲会多饮汤水多食蔬果养声。不过佢始终最担心记歌词部分，佢话尽量唔想喺台上睇提词机，希望借此练习记忆力，不过如果到时真係唔记得咗歌词，大家就唔好怪修修啦！ 修哥身为香港演艺圈重量级人马，破晒纪录开红馆真係好难得！原本想90岁先开演唱会，不过製作人何丽全就叫「提前」举行，快啲创纪录，「到咗90岁时，做到嘅话梗係会做啦，咁嘅年纪仲可以喺个舞台上表演，真係好难得！」唔知修哥到时会唔会请曾江、四哥同Joe Junior做嘉宾，嚟个《四个小生去红馆》呢？想同修哥一齐见证纪录诞生同开心返一晚嘅朋友，就要快快扑飞喇！

---

【The Club会员尊享】 300 Club积分+ $620换购《胡枫86破晒纪录演唱会2018》 $680 门票一张 300 Club积分+ $420换购《胡枫86破晒纪录演唱会2018》 $480 门票一张 300 Club积分+ $220换购《胡枫86破晒纪录演唱会2018》 $280 门票一张 换购日期：即日至1月28日 优惠详情：http://goo.gl/4ckmUP 立即成为The Club会员，尊享更多优惠：http://goo.gl/CyK7i1 Like埋The Club Facebook，即时知道更多The Club着数！https://www.facebook.com/TheClubHongKong/

---

公开发售座位表