情人节就快到喇，如果想为伴侣挑选一份合适礼物，又或者想揾地方拍吓拖影吓相，咁嚟紧2月3至2月4日嘅喺黄金海岸商场举办嘅《漫花小镇・情人节市集》就啱晒你地喇！ 今次市集将会以花作为主题，现场除咗有大型花艺佈景板作装饰外，亦邀请咗近40位手作及设计小店摆摊，其中亦包含咗以花作主题嘅作品，锺意花嘅朋友就唔好错过啦㖞！部份摊档例如「Mf by miss fleurs」嘅押花饰物、「CLASSY」嘅设计手錶、「Labolution」的皮製作品，买嚟送比女仔都几窝心㗎！如果想即买即享受，亦可以去揾「Face painting by G N」整返个身体彩绘，画个情侣彩绘图案仲可以打卡拍照放闪！ 如果谂唔到送咩礼物都唔紧要，因为现场亦设有手摇音乐盒工作坊及海玻璃饰物工作坊，可以俾遊人亲手自製浪漫窝心小礼物！工作坊有分时段，时间及收费详情请见LOCOLOCO Facebook专页。 另外，活动现场亦会安排各种应节活动，例如只要在市集有任何消费及讚好黄金海岸商场Facebook专页，即可免费获得香皂玫瑰乙枝，但记住数量有限，送完即止。除此之外，市集亦设有即影即有服务，可以方便遊人喺现场，特别係大型花艺佈景板前拍摄即影即有作留念，纪录最美好的一刻。 如果想同伴侣、朋友或家人渡过幸福浪漫的时光，就记得要嚟黄金海岸商场 X LOCOLOCO －《漫花小镇・情人节市集》喇，到时见！