唔知大家仲记唔记得上年免费开放太阳花田畀市民参观嘅元朗信芯园呢？今年佢哋又再次因为寒冬而迟开花，搞到4万支法国香水百合赶唔切喺农曆新年应市，而家先陆续开花。不过信芯园场主信哥好乐观，仲话免费开放花田2星期，畀市民去赏花，亦都可以即场买花支持，暂定每支百合以低于成本价每支$10出售。大家记住把握机会喇！ 而为咗保护遊人同花田安全，今年开放期间，遊人唔可以再走落田，只可以喺田边欣赏。大家记住眼看手勿动，要好好爱惜花朵呀～ 交通方法 九巴76K、绿色小巴76、红色小巴17号「石湖围」巴士站落车，沿左手边大水管直入