Whisky Now! 2019 一个全新嘅威士忌盛会将铁定于2019年1月13日面世，由本地酒界两大男神携手策划，联合本地唔同嘅威士忌吧、收藏家、同好群组以及各个独立装瓶厂嘅进口商，实行打破常规，用特色酒款作为主题。 有见近三四年嚟，好多香港酒友对威士忌嘅研究越来越深，除左酒吧、酒铺，连网上既交流群组亦都係越开越多；而为左酒，唔少本地饮家甚至不惜亲身远赴各地嘅威士忌吧同酒展！既然有一大班人係对常规款以外嘅作品咁狂热，今次不如一齐玩尽啲！ 扭转一般威士忌展以大品牌为主，我地将唔会有任何一个苏格兰原厂既代表参展，反而以各个单位储落嘅私伙靓嘢为主，唔好话你未试过，随时稀有到你听都未听过！喺Whisky Now! 2019，最多人问嘅只会係：咁多嘢饮，点拣呀？？！ 摊位分布图 喺过去依个拎月嘅介绍入面，其实总共21个威士忌参展摊位都已经全部提及过，甚至近几日都慢慢开始进入第二轮宣传，相信大家都已经俾今次酒展嘅阵容震撼左唔少次，接住落嚟就为大家略略讲吓佢哋喺场地入面点分布。 整个场地主要分为三个区域：主舞台前平时音乐会用嘅係最大果部分，所以大部分摊位都会集中喺依部分；连接两区中间嘅吧檯，背面会係往洗手间嘅通道，而正面就会係一个设有几张高檯嘅休息区，当日洗杯设施、食物同埋咖啡档亦都会安排喺度；最后展览用嘅一个L型位置，可能会相对鬆动些许(比例问题、冇张图睇落咁夸)，邻近入口位置亦设有第二个有座位嘅休息区，而大家亦都可以经依边再次去返第一区。 大家有冇已经Mark定边一档嘅酒一定要试呀？ **** 最近两个ATM分别係位于鲤鱼门村嘅中银、以及大本型入面嘅汇丰 只限18岁或以上人士进场 ** 请自备威士忌杯，以及足够现金