要数Hidden Agenda livehouse有史以来最热，吖唔係，係其中一场最具爆炸性嘅演出，必属2011年Emmure嗰一场。 据当晚身歷其境嘅工作人员讲返，喺嗰个同平地只差一小级嘅舞台上，Bass手跃起飞撞人群嘅场面真係有今生无来世。仲要撞正坏冷气，係名副其实地大汗疊细汗。 係乜嘢驱使观众无惧热衰歇都要跳足成场？就梗係Emmure怪物级嘅压台能力啦。2003年出道嘅佢地，食住Nu-metal嘅尾水同Metalcore兴起之势，用clean vocal、rapping、不协和和弦同多到恶名昭彰嘅breakdown等元素，创造咗别树一帜嘅声音，成功同As Blood Runs Black、Miss May I、Suicide Silence呢班00s metal生力军齐名。 依小编嘅理解，Emmure冒起得咁快，好大程度因为佢地都係痴线佬。乐队成员因理念不同而退出，大家或者听得多啦。但主音Frankie Palmeri竟然㨂喺乐队如日中天嘅时候，因为唔满意鼓手喺fan page出嘅一个post而炒佢，而且Frankie曾经同日本AV女优HITOMI有一段不顾世俗嘅异地恋，咁你就明佢地台上咁raw嘅力量点嚟啦。 今次佢地香港嘅演出，请嚟久未露面嘅Protoss神族帮手开场，26/3 要见到你地用汗水浸匀TTN嘅地板哦～ 乐队Bands: Emmure (US)、Protoss神族（Opening Act）