28/1/2019 update: 公佈演唱会海报及详情 专家Dickson：..Will I marry me? 专家Dickson： ...Yes, I do... 天生注定纯实力派歌手Dickson 告别单身，同自己结婚… 会展摆酒，以歌会亲友… 当晚浪漫流程： 食烧猪、玩新郎、左手唱歌 换戒指、掟花球、右手宣誓 同场甜蜜加映： 兄弟姊妹上台助威 司仪宾客表演助兴 《专家Dickson 一个人的童话式婚礼》门票套餐 * A. 主家席套餐　$580 套餐包括： 1.《专家Dickson 一个人的童话式婚礼》前排门票一张 2. Dickson & Dickson 囍帖一张 3. Dickson首支派台新曲CD Single（一个人的浪漫纪念版）一隻 + 4. 去饮必食：红烧翅一碗 # 5. 「Dickson姨妈姑爹俱乐部」会籍一个 B. 普通亲戚席套餐　$480 套餐包括： 1.《专家Dickson 一个人的童话式婚礼》中排门票一张 2. Dickson & Dickson 囍帖一张 3. Dickson首支派台新曲CD Single（一个人的浪漫纪念版）一隻 + 4.「Dickson姨妈姑爹俱乐部」会籍一个 C. 普通朋友席套餐　$380 套餐包括： 1.《专家Dickson 一个人的童话式婚礼》后排门票一张 2. Dickson & Dickson 囍帖一张 3. 去饮必食：红烧翅一碗 # 4.「Dickson姨妈姑爹俱乐部」会籍一个 D. 普通路人席套餐　$280 套餐包括： 1.《专家Dickson 一个人的童话式婚礼》大后排门票一张 2. Dickson & Dickson 囍帖一张 3.「Dickson姨妈姑爹俱乐部」会籍一个 * 于Ticket.TVMostMall.com选购套餐后，套餐将在Dickson婚期前寄出予宾客，或宾客可前往TV Most Mall Office领取。 + 新曲CD Single由A Music限量监製。 # 红烧翅（全名「红烧碗仔翅」）由渣哥1996提供。

---

专家Dickson FB: // 嗯，有件事…唔知点同你哋讲…… ……不如你哋望望幅图先…… 嗯，係…我嚟紧竟然有个演唱会… 我人生第一个个人演唱会… 3月，会展，Hall 3D（最细嗰个场）…… 2月公开发售，但下个礼拜就接受优先订飞…… 唔知你哋点睇，我自己就未係好接受到…… 记得读中一嘅时候，学校有个情歌王子， 去到边都揹住个结他，得閒就会唱下歌，深受女同学欢迎。 平心而论，其实佢唔算靓仔过我好多，大约四五倍左右， 但就因为识唱歌，所以沟到女。 当时我心谂：呸！ 唱歌为沟女经已係立心不良， 沟女靠唱歌更加係胜之不武， 我係绝对唔会咁做！ 结果，一眨眼…… 去到几年前，30岁生日当晚，我循例自己一个…… 我喺度谂，点解我咁废…… 人又单身，唱歌又走音…… 最少畀我做到其中一样都好吖…… 但由于我好早就知道自己喺沟女方面冇乜天份， 所以我决定取易不取难，开始学唱歌。 试过上网睇教学、上歌唱班学、跟老师学， 继而晚晚冲凉嘅时候揸住花洒练歌， 练足几年…… ……练到上年，无啦啦有机会唱第一首属于自己嘅歌， ……练到上个礼拜，无啦啦知道我可以有一个属于自己嘅演唱会， ……再练到今朝，无啦啦就话下个礼拜开始优先订飞， 唔知你哋点睇，我自己就未係好接受到…… 准确啲嚟讲，就係惊到成身震晒…… 唉，好惊唔知最后有冇人会嚟听我唱歌， 但求到时场面唔好太过冷清…… ……冇乜事我返出去练歌先…… // 专家Dickson首次个人演唱会 主办机构：毛记电视广播有限公司 演出内容：认真唱歌、用心跳舞