讲起怀旧大家会谂起啲咩？传统小食？经典遊戏？霓虹灯？嚟紧青年发展计划 - 北极虹举办嘅 「青年港嘢嘉年华」一次过满足你咁多个愿望！ 今次活动内容非常丰富，首先会有出色嘅艺术表演，例如：西乐演奏、band show、舞蹈表演、魔术表演、歌唱表演同扯铃表演等等等等，真係数之不尽呀！ 除咗表演，大家仲有机会参加唔同嘅工作坊，重拾当年今日嘅感觉！工作坊製作嘅作品都係有代表性嘅物品！活动当日将会举行2个工作坊，包括小巴胶牌书写工作坊同埋迷你霓虹灯製作！想製作一份回忆？想发挥你地嘅小宇宙？一定要留时间报名参加当日嘅工作坊啦！ 嘉年华就一定会有摊位遊戏，实唔会闷亲大家！活动当日大会将会有2个港式遊戏摊位，係到卖关子先，想知点玩就要继续留意有关资讯，但只要你答中问题就有靓靓纪念品送返俾你！ 係咪觉得差咁啲野？梗係啦！讲怀旧点可以唔提怀旧食品！今次嘉年华为大家提供传统小食摊位，大家可以免费换领食品！係咪好吸引好想食呢，传统食物买少见少，大家要珍惜仲可以食到嘅机会呀！ 最后最后，当日仲有打卡位比各位拍照留念，值得一提嘅係之前好hit嘅潮语霓虹灯装置同埋怀旧人力车将再次出现！ 有兴趣来临「青年港嘢嘉年华」嘅朋友记得密切留意 "青年．「港嘢」嘉年华" Facebook专页！约定大家3月3日见！