【30个贺年食物回收点，梗有一间在左近】 踏入猪年嘅第二日，食德好再喺呢度祝大家新年身体健康，绿绿常满，日日食德好！ 相信大家屋企已经收咗唔少贺年礼盒，秉承一贯「减废、低碳、互助」嘅理念，食德好都係建议大家先问后送，或者将贺年礼盒折现，免做大嘥鬼！ 不过呢，如果万一真係食唔晒或者收多咗都唔紧要嘅，今年食德好都会继续有「新春贺年食物回收2019」，大家可以由2月8日初四开始，将有余有剩嘅贺年食品送去各个回收点，透过食德好转赠俾有需要人士，同佢哋分享祝福同温暖。 新一年，我哋齐齐唔做大嘥鬼，做到人人惜食、代代好境。