表哥表妹喺嚟紧3月9至10号举行鬆鬆soul户外市集！ 到时会有工作坊及唔同嘅表演，我地今次拣嘅地方位于元朗锦上路一个私人农地，距离锦上路站步行不过三分钟。 今次市集名为［鬆鬆Soul］，顾名思义俾大家放鬆心情，为生活带来不同方式嘅体验。 一齐嚟感受下户外嘅气氛吧！ [表哥表妹到时有咩玩！] 两日户外市集： 大概有50+个档主，为大家带嚟天然手工护理、水晶饰物、 星相塔罗、环保物品、手工製作品、古着Vintage 、天然草药、 有机植物、咖啡、露营物品等... 亦有工作坊体验、音乐体验、 野外营火晚会、艺术表演、Live painting 等等... [表哥表妹表演单位！] 今次鬆鬆Soul除左市集之外，仲会有水晶球杂耍、户外音乐、即场涂鸦表演、火舞表演等节目，仲会有工作坊，多肉植物工作坊、天然Henna彩绘、杂耍体验、颂钵治癒等。 由于工作坊参加人数有限，大家想参加工作坊记得预早报名留位啦！ 报名详情请于Facebook messenger 或email 至 [email protected] Instagram @biugorbiumui