每个城市都有自己专属嘅音乐，当中表达嘅可能係我哋记忆中城市嘅风景、城市嘅文化、或者係喺城市裡面邂逅嘅某个人……当你听到呢啲音乐，对城市嘅记忆就会慢慢浮现，唔知你记忆中嘅香港係点样嘅呢？佢係繁华璀璨、纸醉金迷抑或黯淡无光、物是人非……相信每个人都有唔同答案。 我哋对香港嘅感情，可能难于用文字讲述，或许只有通过音乐先可以准确表达，今年靠边站艺术节主题係「我城我故事」，两队年轻嘅本土独立乐队Rising Atlantis以及实验日誌将会用音乐为香港发声，用原创音乐讲述佢哋自己嘅香港故事。 如果你喺香港生活，或者曾经喺香港停留过，佢哋原创音乐所表达嘅内容，可能就係你记忆中嘅香港，所以，大家不如一齐从Rising Atlantis以及实验日誌嘅乐队表演当中，揾下我哋嘅香港回忆啦！