Standup Taskforce ("SUTF") 成立于2017年9月, 係一班年轻人及自以为年轻既人探索Standup Comedy既唔神秘组织。 其中文名称 "独角秀", 除了是音译talk show之外, 亦取其Standup Comedy 皆为表演者单 "独" 表演的方式, 当中优于其对事有棱有 "角" 的见解, 并贵在其中清 "秀" 而又不落俗套的意思。 2017年12月, 呢班友仔懵懵懂懂咁开始左佢地既独角秀《第一回》, 可谓一鸣惊人, 好评如潮。 2018年3月, 佢地再举行独角秀《第二回》, 更是叫好叫座、盛况空前, 自此商演邀约不断。 藉此如虎声势，2018年7月, 佢地决定挑战自我，勇闯香江文化重地「LKF艺穗会」搞左独角秀《第三回》, 结果当日80张门票一天内沽清。 同年8月, 佢地再喺MOM举办左独角秀《第四回》, 100张票再次火速沽清。 佢地心谂: 唔通真係有咁多人锺意睇广东话Standup? 所以 2018年12月头前后，佢地喺MOM再搞多三场演出, 亦即係独角秀《五·六·七回》, 结果合共三百张门票于一个月内抢购一空!!! 果然，广东话Standup喺香港真係有market。 从来赢要谷, 输先缩, 我地SUTF真係要吸啖气, 再谷一谷! 所以2019年6月15日, 我地决定移师TTN一个可容纳250人既场馆, 一连两场为大家继续炮製最高质量既笑弹, 酬谢大家既厚爱! 到时见!