Update 10/9/2019: 公布音乐会主题同海报喇！ 成长未必精彩，我哋人生要经歷几多伤痛先至可以增长智慧，懂得接受自己懂得疗癒自己？我都努力学习及疗伤中。 大家都伤痕纍纍的时代，希望用我嘅音乐，为大家带嚟哪怕只係一丁点嘅力量以及安慰。 愿你记得软弱没有错，痛亦没有错。 主办：Frenzi Music / KKLIVE / 寰亚音乐 / 棋人香港 / 太阳娱乐演唱会 冠名赞助：Jebsen Fine Wines 和巧如初：叱咤903 艺人管理：Frenzi Music / 寰亚艺人经纪 唱片公司：寰亚音乐 优先订票及音乐伙伴：KKBOX Poster design: @shengwong_ Photographer: @tsz925 Art director: @thedorothylau Assistant : @siuchonglam Hair : @wingwong_theattic Makeup : @leotam_snap Styling : Carmen

---

邓小巧宣布12月开麦花臣！ 邓小巧FB: // 又大一岁，一年前许下嘅愿望已经唔记得咗。随住生活经验嘅累积很多事情开始见惯不怪。认识咗新嘅人，疏远咗旧嘅人；笑多咗一条皱纹，内心多咗一啲伤痕。但长大可能就係咁样，学识（被逼）接受生活就係有好多枝节同起跌，快乐与不快乐永远并存。 从推出雅俗到而家，係我以新人出道嘅第四年，音乐上嘅累积、迷失、冒险，多谢我嘅团队以及大家同我一齐渡过同见证。做音乐本来好大嘅原因係抒发同疗癒自己某些部份，幸福嘅係我拥有同你哋一齐分享嘅福分，令我做出嚟嘅音乐多咗好多意义。 一直以嚟大家都有问我几时开音乐会，上年为演艺学院学生课程嘅演出係一个好好嘅学习经验。到今年，我嘅团队同我都觉得係时候开啦第一个属于我嘅售票音乐会啦，因为我哋有足够嘅内容可以同我嘅歌迷分享。 所以，今年12月1日，麦花臣，我哋一齐为我哋嘅新旧伤口好好做一场音乐会。 // ．请勿误信非官方售票渠道