HOTMUSIC终于要收档结束啦 ! 卖结他/教结他虽然充满乐趣，同各位吹水亦相当过瘾，但我地实在敌唔过地政署持续既压迫，而业主亦下令要我地10日之内将间铺交返出黎，如果唔係就法庭见。 所以惟有希望大家帮下手，係呢10日黎帮衬下，因为卖唔晒我都係直接拎去掉。我地有成全新结他500支、过千件以上既配件，所以我保证散货价一定低过成本价 (平过买2手/淘宝)，大家唔好同我客气哈哈哈哈，反正呢排大家都唔係咁开心，黎我度，执几件平野返去开心下! UKULELE $40蚊一支/ $100三支 结他 $80 一支 调音器 CAPO 不论型号 一律10蚊 薄结他袋 1蚊1个 仲有好多好多，34吋到41吋木结他、电结他、小结他、音箱、配件都有，求其买返去垫煲都抵呀 (图片我会尽量呢两日更新晒) 9月15日係最后一日，所以大家要买就快手喇! 出晒力投诉我既行家，你都黎入货啦 ! 再见亦是朋友呀。 希望大家可以share 下，留下言，等多D人可以睇到呢个惨绝人寰既优惠啦哈哈哈哈 ，多谢各位!