曾经，万圣节係一个人类带上面具扮成妖魔怪兽，吓鬼求保命o既日子。 但係今个十月，香港以六枪实弹打开序幕，加上4个月黎一条又一条下落不明o既生命......讲真，唔好话万圣节啦，孟兰依家都冇人会觉得恐怖啦。 黎到2019年，现实教晓我地：原来狗可以扮人，蓝丝可以扮人，甚至垃圾都学识扮人 —— 简直係畜生道投错左人间道咁款 ——— 偏偏「人」就连落街带个口罩都唔得，会畀人捉落人间地狱毒打谋杀。 今时今日o既香港隐藏面目，对抗o既唔再係牛鬼蛇神，而係一条又一条侵害人权日常o既荒谬戒律。 面对极权大侵蚀，我地就要反侵蚀。OC2S早于今年五月已经邀请 Dis Fig 再度来港同我地万圣节party party，呢位以柏林为基地工业型噪音techno女将，live set素以巨大噪音压场，加上金巴利道路真理生命 Kimberly Road Union、Kelvin T、Shelf-Index 三大本地能量同场共鸣 ———— 10月26日，黎TTN畀modular爆开你个脑，挑鬆哂D神经，祈愿灵台得到一点清明。 Lineup / 演出单位 Dis Fig 金巴利道路真理生命 Kelvin T Shelf-Index (DJ set) and more