今年係环保触觉喺荃湾沙咀道年宵市场第三年举办「绿色年宵」，我哋会继续喺年宵设置摊位「绿本营」同市民分享新年减废资讯、派义工驻守回收桶推广乾净回收同埋派发重用利是封及环保袋。 为鼓励商户承诺做好回收及减少产生废物，我哋仲推出咗「绿色年宵摊位计划」，呼吁市民帮衬拥有「绿色年宵摊位」招牌嘅摊档。 我哋嘅『传「剩」救兵』更会喺年初一凌晨收集年宵摊位剩余的有用物资例如：帐篷、傢私、货架、园艺用品（如花盆）等，并将物资转赠畀有需要团体同市民，免得物资落入堆填区。 约定大家，1月19日至25日喺荃湾沙咀道遊乐场一齐过绿色新年啦！