为什么要有情人节? 据专家讲, 情人节后分手嘅情侣数字远比平安夜后向家计会求助嘅个案数字多! 情人节只是比机会女人向你发难! 情人节你要排队比六百几蚊食平日百六蚊嘅港式杂扒! 情人节你要用千几蚊买十二支隔夜口水咁臭嘅玫瑰, 如果你冇车嘅话, 重要承受托住一球七彩植物遊街嘅风险! 情人节街上閪面嘅情侣总比笑笑口嘅多, 而笑笑口果一两pair肯定係啱啱先沟到重未沟通得好好..., 咁点解重要有情人节? 太岁可能几年先犯一次, 但二月十四同七月十四一样, 係年年都有! 我地要勇敢企出黎, 向情人节说不! 今年2月7日, 西方情人节嘅前七, 中国情人节嘅前一, 过客酒馆请黎蓝调组合Four Till Late 黎玩一场《Blue Valentine》蓝调音乐会, 献给所有讨厌情人节嘅朋友! 所谓爱情, 并不可靠, 不如爱自己多啲! 又或者如果真係锺意佢, 日日都可以係情人节, 就如处死, 何需秋后! 冇女朋友, 冇男朋友, 或者比人飞左嘅朋友, 共勉之! 《Blue Valentine 蓝调情人节》 人物：Four Till Late / Ram Cheung, Isaac So, Angus Tang, 同埋无情人无地方去又心野野唔想咁早返屋企自己训嘅人 ✭空间有限, 现已公开接受订票, 不设划位, 坐位先到先得 .