逢星期六下午三点到五点﹐我哋都会嚟到新蒲岗爵禄街招商永隆银行门口开设社区回收推广站﹐回收废塑胶。 塑胶好好用﹐人人屋企有﹐但係点样处理废塑胶就费思量。如果你顺手丢落垃圾桶﹐即係丢落堆填区。咁呢啲废塑胶就要几百年才可以分解﹐期间堆填区唔可以耕种﹐更加唔可以起楼﹐仲会污染土地和海洋。所以与其丢落垃圾桶﹐不如攞嚟倂我哋循环再造﹐造番新塑胶。 『黄大仙社区回收中心』係慈善团体──东九龙居民委员会向环保及自然教育基金申请嘅项目﹐做嘅係回收乾净乾爽嘅废塑胶。我哋收得嘅废胶塑胶﹐分类后将交俾环保署认可嘅回收再造商﹐打成胶粒﹐再造新塑胶。 究竟我哋回收啲乜嘢塑胶？如果你有冇用嘅胶樽﹐无论係水樽﹑洗头水樽﹑洗洁精樽﹐甚至係煮餸用嘅油樽﹐或者有啲冇用嘅塑胶容器﹐例如：胶袋﹑胶箱﹑胶桶﹑胶盒﹐或者有啲冇用嘅塑胶文具﹑光碟﹑录音带﹑录影带﹐甚至係乾浄嘅胶膜﹐都可以攞嚟俾我哋﹐循环再造﹐造返新塑胶。 只要你登记做我哋嘅环保会员﹐你就会有张积分咭，纪录你每次攞嚟嘅塑胶重量﹐储够重量，可以换取礼物，包括厕纸﹑香米。