父亲节係一年入面特别感谢老窦而庆祝嘅节日，源于二十世纪初嘅美国。每个国家父亲节嘅日期都有唔同，又有各种嘅庆祝方式，大部分都同赠送礼物、家族聚餐或活动有关。全球大部份国家同地区係喺6月嘅第三个星期日庆祝父亲节，包括中国大陆、香港同埋澳门等地方。又有喺其他日子庆祝嘅，例如民国时期嘅中国同臺湾喺八月八号庆祝，所以又叫「八八节」。 同父亲节对应嘅有母亲节，係喺5月嘅第二个星期日。