首次Rulapalooza活动圆满落幕，而第二次Rulapalooza将会于7月11日举行，保证为各位带嚟更重摇滚风格嘅乐队，尽情享受轰炸耳仔嘅音乐之夜！ 开场乐队Kyanos係一队全女嘅金属核乐队，佢地已经准备好用强劲嘅音乐震撼大家！ 接下来嘅Supernaut准备咗几首经典乐队Black Sabbath嘅cover比各位感受昔日传奇嘅魅力。 第三队就係Wreckage of Progress。The Underground最近嘅一篇乐评指佢地「力量、歌唱技巧、演奏技巧、结他、红髮、金属风节奏、摇头，乜都齐，点能够唔爱上佢地？」 快啲过嚟感受下佢地嘅魅力，可能你就会知点解佢地上年可以羸到去加拿大音乐节表演嘅机会。 表演最后由Two Finger Salute作收尾。呢队庞克摇滚味浓嘅型格乐队，唔好睇佢地斯斯文文咁，到时一定会用澎湃嘅音乐吓大家一跳！ 7月11号，咪鬼再理你精心规划嘅gym plan，揾番你件band tee出黎同大家一齐头fingfing享受摇滚同金属嘅狂欢之夜啦！ 到时候Rula Live见！