上Viagogo交易平台 (非官方) 购票 https://prf.hn/l/JpQWMmj (买家需自行承受风险) Update 5/1/2023:一加再加三加！《TWINS SPIRIT SINCE 2001 LIVE IN HONG KONG》，今日再宣佈加开终极第13及14场！门票将于1月12日城市售票网公开发售 ！终极加开两场日期为 2月5及6日！

---

Update 20/12/2023: 疑似会加场加到年廿八

---

Update 9/9/2023: Twins踏入22週年再开红馆，气势凌励大紫大红一时无两，早前优先订购爆满后即宣佈由6场加至8 场，公开发售疯抢半个钟宣告爆满，今日又再宣佈，再加开2月1-4日，4场！12月15日城市售票网公开发售。上次抢不到飞的朋友，今次要记住15号去再扑过啦。 相隔9年再次踏足红馆，一开就开12场！阿SA(蔡卓妍)阿娇(钟欣潼)今次破了Twins自己的纪录，当然开心，阿SA(蔡卓妍)笑谓，「其实真係救到我燃眉之急，我真係好唔够飞，之前我重用自己的飞行里数去换番自己演唱会啲飞，换完都係唔够，帮唔晒朋友订，依家再加，咁即係有救啦，哈哈....唔驶啲朋友唔开心，话我办事不力。歌迷都不停留言比我，话抢唔到飞想喊，所以我地今次特别为佢地搞紧一场加场係歌迷会专场，咁希望大家都可以真係一齐入到来，同我哋一齐共渡到22週年，呢个咁值得纪念日子。」 阿娇(钟欣潼)就坦言，「听到再加场，有愕然，又有惊喜，又觉得係一个突破。做咁多场 ，係自己体能上都有少少担心㗎，但会尽全力去做！已经开始戒紧肉，剩係食菜呀，海鲜咁，因为只食斋又怕唔够营养，记紧歌词排紧舞啦。」 问到阿Sa今次破晒Twins纪录，「唔好讲咩纪录啦，我剩係会谂，衬行得走得，做到咪做多几场啰，再老啲唔知自己顶唔顶到啦嘛，做到就做啰, 哈哈哈....我就两个月前已经开始管理自己啦，已经食紧健康餐，同埋练体能，依家瘦左好多呀，咁唔可以剩係瘦，因为都要体力，所以不停有做运动增肌肉啰。本来唱8场，我同阿娇话，不如一气呵成啦，唔驶停唱晒佢，免得好似蚀左度气咁嘛，但係依家12场，中间就会有休息日啦，都要休一休再做，应该状态会好啲。 」 此外，最近又有不法之徒，于社交网上开post ，指Twins演唱会招聘保安、检票员等等职位，演唱会总监冯贻柏表示，从来没有进行过任何这些职位的招聘，劝喻歌迷千万不要受骗，把自己的私人资料或电话等给予这些网站，小心保障个人利益。 Update 14/11/2023: 《TWINS SPIRIT SINCE 2001 LIVE IN HONG KONG》演唱会，今早（15/11）进行优先订购，秒速爆满！主办单位英皇娱乐即时开心宣佈，加开两场，由6场变8场！门票将于11月22日起城市售票网公开发售，今日扑唔到的朋友，22号要仍有机会可以抢到飞。 Update 2/11/2023: TWINS将于2024 年1月21-23、25-27日 于红馆举行6场 《TWINS SPIRIT》演唱会，相隔9年再次红馆合体，今次TWINS 以《SPIRIT》为演唱会主题，准备带给大家TWINS的精神及成军廿多年的回忆与感动。 早前阿Sa(蔡卓妍)、阿娇(钟欣潼)为演唱会拍摄宣传海报，两人穿上大红色的不同造形拍摄，又性感又活力， 拍摄两人互殴搞笑动作时，阿娇爬到阿Sa身上，突然失去平衡，两人尖叫倒地，工作人员马上上前援救，幸好两人也没有扭伤，笑成一团，慢慢爬起来。阿Sa:「佢跌个下真係吓鬼死，哈哈....我想用力拉住佢都搞唔掂，因为我唔係抱住佢，佢喺我背脊，好彩我哋喺地面重有个木箱托一托，所以阿娇都冇事。」阿娇:「冇事，哈哈，其实唯一喺傍边用吹风机个工作人员，佢扑过来想帮我，我又跌得太快，佢手上面枝吹风枪就撞正我颈到啰，个下有少少痛。」 谈到今次演唱会名为《TWINS SPIRIT》，阿娇表示，「即係 Twins 精神，虽然见到poster 我哋喺到互殴，但係我哋个精神就係永不放手，所以廿年来都冇放开过对方！即係同今日影相嗰时一样，永不放手，跌低一齐跌低，起身一齐起身！哈哈。 」阿Sa:「TWINS SPIRIT就係咁多年坐埋一条船，无论顺景逆景都一齐，开心一齐开心，唔开心一齐唔开心。今次有咁嘅构思，係因为廿多年来我哋实在影过太多靓相啦，想影啲靓又有另类啲感觉嘅，所以就影啲好玩啲。」之前阿Sa 声带有事，问到她是否完全康復？阿Sa笑一笑:「都有少少担心㗎，不过我估ok嘅。」 至于演唱会今次有咩新意带俾观众，两人表示，今次除了旧班底外，也加入了一些新班底合作，所以一定更精彩，TWINS多年来都是带开心给大家，今次也不会例外，至于点精彩就到时睇演唱会感受，现在不能多作透露。阿娇就话，「我估我哋会比过去演出都辛苦，因为加好多新嘢！不过好期待，辛苦得来应该係值得同好开心。」

---

Update 1/11/2023: 收风强终须收到可靠消息, Twins喺21/1/24起开6场红馆，应该啱，除非错，官方即将公佈详情 Update 21/9/2023: 有指学友神开到4/1，估计Twins会喺之后Weekend或打后的1月内开 Update 1/9/2023: 多方面消息指，Twins应该係2024年1月先开呀！ Update 23/8/2023: 收风强收到风，讲咗好多年嘅Twins红馆演唱会，终于喺2023年12月圣诞档期开到喇！大家要Bookmark定呢版芒实几时卖飞喇！ Update 29/9/2022: Twins 今日合体出席活动后接受传媒访问时承认，正筹备紧2023年举行红馆演唱会；原定2021年庆祝出道20週年，奈何因疫情未能举行，因此就要等到2023年先有机会开到喇！ Update 1/3/2022: 由于疫情未见好转，原本4月的档期极大机会开唔成 Update 31/10/2021: 有传媒指红馆将于2022年3月封馆全力举办政府活动，导致档期紧张且有所变动，原先4月嘅Twins出道20周年演唱会有机会延期。 Update 18/5/2021: 阿Sa喺直播透露将会喺2022年4月开佢哋嘅20週年纪念红馆演唱会，而根据最新嘅红馆订场表，暂时4月1~25日有人Book咗 Update 2/5/2021: 阿Sa阿Gill已表示2021年未有时间开，暂计画2022年喺红馆庆祝出道20周年。

---

2021年就係Twins出道二十週年喇，阿Sa同阿娇宣佈佢哋计划开廿週年演唱会呀！孖妹开得，都应该要开红馆先够坐啦！大家话係咪先～ 阿娇就话「20年彷彿一瞬间，一路上的坎坷不定但有你在身边鼓励，不管未来飞向何方，都会约定和你一起， 20 年后，再唱下一站天后。」 好期待吖！

---

．请勿误信非官方售票渠道 Follow 埋 Timable 演唱会 FB 专页： https://www.facebook.com/timable.hk.concerts