「大家仲记唔记得自己第一次参加社运、 第一次遊行时係点样架，係带住咩心情同感受呢? 2014年同2019年嘅香港、係香港嘅我地，又变成点呢? 所有野都唔係按住我地希望同期望去发展， 我地比社会推啊推， 不知不觉改变咗自己坚持咗好耐嘅计划同梦想。 突然之间，我地做咗好多我地冇谂过自己会做嘅野。 学生唔止要读书仲要保卫校园、 厨师唔一定要係餐厅仲会去大学Canteen煮饭、 司机唔止係谋生职业仲会变身为家长车、 十世唔写字嘅男男女女为咗凼墙后手足一笑，可以一口气写十封信。 我地就係一边跌倒、一边起身， 一边失望迷惘、一边沉思去揾新嘅出路继续试、继续坚持。 成日都有人问「你有冇后悔啊？」 但对于香港人嚟讲，哩一条问题早已经唔係一条问题， 因为我地冇得选择，而我地每个人都用自己嘅行动去比出咗答案。 係哩一个小小嘅画展，我为每一个係自己岗位默默努力嘅同路人都画咗一幅画， 有写信师、有司机、有老师、有家长、有银髮、有海外手足...... (当然画唔晒每一个岗位啦，但未来会继续努力画!) 无论係咩岗位、年纪、身处係边，只要大家爱哩一个地方，大家都係手足。 简单嚟讲，你地，就係我画展嘅主角、同全部。 新一年我好希望用图画同颜色多谢大家， 因为大家，我地先可以一直坚持同坚强， 互相提醒我地因为咩而去遊行、因为咩而去抗争。 重光唔易，都唔知係边年边月边日先会见到我地心目中嘅香港， 无论係5年后、10年后、即使真係有幸见到哩一日来临， 我地都係需要结伴同行，提醒隔离一位「勿忘初衷」。」 ——插画师阿强 邀请你嚟欣赏阿强嘅努力，而且有一幅画需要你同我参与，亲笔将自己画上去，记得别人，认得自己 －「勿忘初衷」! 另外，逢星期五六日阿强会喺现场帮大家画画添(请留意- 强出没通告)! https://www.facebook.com/bookpunch/ 注意: 举行活动时有可能会临时收起某啲展品，大家去前可以留意公佈啊!!