由去年四月份开始，每一个星期五刘威煌都会在网上开直播同一众网友互动倾计唱歌，由40人同时观看到高锋3000人同时观看，呢一段时间一众网友发起希望我可以开一个音乐会同大家真正见面，而我经过详细考虑，决定约定在今年4月份开一次个唱，刚好4月30日也是星期五，籍此纪念一下我直播一周年以及可以同一众网友真实见面。 Rebirth 呢个概念係原于希望成个世界都可以重生，我地去年被疫情饱受影响，连出街食饭一些基本日常都变得唔容易，日常娱乐例如演唱会、电影都要被逼暂停，所以今次可以成功举办到今次音乐会，希望业界可以再有生气，另一方面希望每位都好似得以重生，重新出发。」 音乐会主题曲：『长说短说』 今次呢首主题曲名是长话短说，希望用呢首歌去纪录过去一年发生在我直播中既人和事，我时常希望可以长话短说，但经常变成短话长说被一众网友取笑，因为我真係一个口水佬，歌名因此而成。 为多谢过去一年网友既支持，歌词结尾『在心中永远』，不用说太多，希望大家知道我既心声，而曲风都一改我既风格，用轻鬆轻快容易记既旋律，带比大家好心情，非常感谢词曲编监一手包办既叶肇中，佢一直在音乐及人生路上陪住我，所以真係好清晰知道今次新歌既方向。 MV用上一镜到底既方式去表达过去一年既心路歷程，当中所有出镜既朋友都係真真实实在过去陪伴住我既朋友、网友，没有一位是演员，而拍摄导演都係我一位好兄弟man ho，太清楚我想要表达既东西，所以一切都好顺利，出黎既效果大家都好满意。 最后希望疫情快快过去，百业兴旺，rebirth！