时代广场又有新搞作!! 今年喺人见人爱嘅唐老鸭87岁生日，为咗同一班粉丝们一齐庆祝，唐老鸭嚟咗铜锣湾时代广场开嘉年华会! 由即日起直至2021年6月13日，时代广场将化身为首个以唐老鸭为主题嘅几何乐园嘉年华《Donald Duck Geometric World》，有7大主题展区，有得玩仲有大量打卡位!! 7大唐老鸭与好友主题互动专区 走入正门已经被2.7米高嘅唐老鸭发声大屁屁吸引住!! 打卡之外，巨型大屁屁上面仲有个按钮，按落去就会听到长达10秒唐老鸭对你嘅抱怨!!虽然被佢闹紧，但係都依然觉得超得意有趣!! 喺发声大屁屁后面，有个「唐老鸭互动表情隧道」，通过打卡一流嘅霓虹灯隧道，就可以进入互动专区，只要跟住萤幕上面唐老鸭嘅指示做动作，成功挑战后就可以扫描萤光幕显示嘅QR Code，下载限定《Donald Duck Geometric World》唐老鸭手机桌布一张。共有八款不同设计，想要储齐，就要不断挑战喇!! 充满少女心嘅打卡位有「梦幻光影鞦韆」，两个鞦韆喺唐老鸭同女友黛丝嘅剪影，情侣必影!! 旁边嘅「扭扭迷幻盒子」，好似入咗迷幻室咁，前面仲有Huey、Dewey同Louie陪你影相。 中间位置有一排好吸睛嘅摇摇板! 「玩味摇摇鸭」区入面，有得影相仲可以一齐玩㗎!! 最后，就係6米高嘅「唐老鸭趣怪帽子」，除咗外型吸引，裡面仲内有乾坤，帽入面原来有巨型哈哈镜，鬼马嘅唐老鸭同黛丝已经急不及待喺裡面摆出趣怪表情喇，一齐企喺镜面前影张得意相啦! 「唐老鸭珍品展」 喺地面玩够，就可以上埋商场2楼中庭参观「唐老鸭珍品展」。着名首办公仔创作达人Eric So原来亦喺唐老鸭粉丝，屋企更拥有HEROCROSS出品的合金製唐老鸭可动人偶，故此是次与HEROCROSS一拍即合， Eric更为唐老鸭换上贯彻其以球证为主题嘅个人时装品牌Referee嘅全新造型，设计出几款在今次展览首度公开亮相嘅Donald Duck Referee特别版本珍藏人偶以及一系列别注精品，Eric将一向鬼马和好动嘅唐老鸭摇身一变成沉实穏重嘅球证，绝对有惊喜!! 此外，Eric还以独有嘅「So Fun」风格，特别为唐老鸭设计了一个充满玩味的全新造型，并将同步于活动期间抢先登场! 而大家只要扫描场内产品旁的QR code，就可以直接喺官网上订购。 另外，仲可以报名参加「霓虹剪影屋」入面举办嘅唐老鸭霓虹灯工作坊，将亲手製造嘅霓虹灯牌带放屋企。参加工作放详情可以留意时代广场Facebook最新消息: http://www.facebook.com/HKTimesSquare/