格子生活市集又嚟啦！ 今次我哋继续邀请我哋喜爱嘅品牌参加市集（我哋係绝对唔会承认係因为我哋自己想买嘢）而上次Jack Lee展览大受好评嘅醉柠茶会再度上架，想一试呢款香港製造柠茶口味Cocktail嘅朋友要留意了！ 重要：根据香港法律，不得在业务过程中，向未成年人售卖或供应令人醺醉的酒类。 参与单位 大鵰文化 BigDealCulture 香港独立网上书店，提供文史哲学、生活休閒书籍，有好多连锁书店无入嘅有趣书籍，另外亦有订书服务，为爱书嘅朋友提供多一个选择（佢地都好用心推我哋嘅书） 漫读 曾推出《韩国山寨漫画读本》及《韩国动画大全》，佢地更取得集英社授权，即将出版中田春弥《Levius》上下卷中文版，有兴趣嘅朋友唔好错过～ 埔Journ｜大埔人的地方誌 由前记者自资出版嘅《埔Journ》，係一本有关大埔嘅双月刊杂誌，小编第一次拎上手时充满惊喜，製作认真同有质感，内容亦都丰富同用心编排，就算唔係住大埔都会睇得津津有味～ Browny Cafe 我哋好喜欢嘅一间Café，今次佢地会为大家带嚟招牌咖啡包及麵包，饮完咖啡大家好努力工作啦 XD Gisela Cheung, Wool & Fibre Artist 2019香港十大匠人铜奖，上次好多朋友都话时间夹唔到参加workshop，今次有两日可以俾大家拣手工精巧嘅羊毛毡手作，无论你係有兴趣自己亲手做定係希望买完成品，都欢迎嚟同店主Gisela倾计交流吓心得～ Is handmade 依照日本传统全手工技术，製成既适合平日简单穿着、又保留日本传统华丽风格嘅羽织外套，全部都好靓令人选择困难呢～ Costa Wine 熟悉我哋嘅朋友都知道，我哋酒精饮品嘅消耗速度奇快 XD 全靠佢哋介绍CP值高价钱相宜嘅酒～好饮嘅酒唔一定贵，欢迎好杯中物嘅朋友嚟选购～ 重要：根据香港法律，不得在业务过程中，向未成年人售卖或供应令人醺醉的酒类。 查询及市集最新消息： 格子 FB/IG @quireonline