7月17日，香港两组迷幻乐队 Lucid Express (formerly known as Thud)及 TYNT 将于九展 Music Zone 举行联合演出，作为各自最新专辑嘅发布活动。 回望一年半前，武汉肺炎扩散至全球时，最先有feel嘅香港音乐人应该就係 Lucid Express 及 TYNT。前者美国tour 完左纽约站去到洛杉矶被cancel tour同滞留LA等飞机，后者谷尽奶力呕出专《SYMBOL》后，就获通知原定作为首次海外演出嘅日本音乐节全面取消；向来fd底嘅两组人马最终赶得切喺北角合体开live，係实施限聚令前香港最后一场音乐演出。 与各地音乐人一样，两组乐队均利用疫情时期潜心创作，TYNT 去年底交出全新单曲〈PLUME〉，今个六月会再推出新作；而 Lucid Express 则录製完成首张大碟，噪音美学喜欢现场被结他音墙轰炸，被synth声包实，被音乐带动起飞嘅乐迷，7月17日呢场演出，係做畀你嘅。 本场演出将由 VJ @neo.yeung @huihongnin 负责映像。

---

Lucid Express 前身为 THUD，2014下半年出道作〈Lime〉一鸣惊人，即时入选当届 Clockenflap 名单，NME 等欧美媒体持续报导采访，多次受邀参加英国、日本、泰国等各地音乐节。 Lucid Express 早期以梦幻甜美 shoegaze / dream pop 风格为乐迷熟悉，至2018年单曲〈Ado〉开始加重 synthwave 元素，视觉设计上亦係较早引入 vaporwave 元素嘅香港单位（咁当然依家就成行成市啦）。蕴酿以久嘅首张大碟目前释出两首先行单曲〈Wellwave〉及〈Hollowers〉，编曲技巧愈见成熟，相信会係一张高纯度嘅集大成之作。 顺带一提，乐队喺 THUD 时期嘅大部分作品因版权问题暂时消失于各大串流平台，fans想听旧作就要去现场喇。

---

TYNT 玩迷幻音乐，同迷住玩音乐，当然係两回事。 喺买少见少嘅香港乐队中，能够捉到「psychedelia」路数嘅只佔极少数，TYNT 乃属其一。用声能够接轨亚洲同侪水平，尤其佢哋喺sound design有一种「往上发展」嘅动能，令人谂起哥德式建筑（中世纪末期）嘅设计原理，又似致幻药物产生嘅感知作用，哩点喺本地音乐作品中可能比psych唔psych更加难得。 乐队早期作品用声明显受 Tempalay 及 The Novembers 等日本迷幻／硬棍单位影响，而首张专辑《SYMBOL》则可以话係呢个摸索阶段嘅终点。该碟原本係回应东京 Synchronicity Festival 主理人邀请所催谷而成，创作过程无疑令 TYNT 队型更加完整，新单曲〈PLUME〉正正表现出佢哋嘅「more is more」噪音美学。