香港电车挤身健力士世界纪录保持者咁大件事，当然要好好记录！但对于我哋嚟讲，电车路上嘅每一个笑容，都同样值得留影！香港电车首次伙拍 Leica 合办摄影展览，2 个百年品牌一拍即合，仲揾嚟 3 位本地摄影师 - 林晓敏 Hiuman、刘冠麟 Colin 及黄建荣 Edas，透过 Leica 为城市作「叮」点见证，共同留住叮叮 117 年走来嘅暖意情怀。 着有《香港遗美 Hong Kong Reminiscence——香港老店纪录》嘅 Hiuman 经常以照片拾遗，与擅长以城市景观作光影创作嘅 Colin 双双获邀造访电车厂，一探「香港製造」的电车工业。2 位摄影师将经营世界纪录车队嘅幕后点滴、电车出厂到穿梭城巿嘅画面，一一呈现你眼前。 至于作品以会心微笑、幽默会意见称嘅 Edas，佢就就住「叮点见证」呢个主题，静心捕捉电车路上每道微少却触动心灵嘅一瞬间。「笑係口罩遮不住」，以 Edas 呢句话嚟形容佢今次嘅作品就最为贴切！