我哋小伙子第三个年度舞台剧 (2020年大家知咩事) ，以网上人气作家蓝橘子作品《与女鬼的同居日常》为蓝本，创作成我哋首个小说改编剧《HElllO》！ 今次我哋有《调教你男友》嘅Ronald以及《全民造星III》嘅Buber担当男女主角，仲有喺2019年出演过我哋舞台剧《共享人生》嘅一对难兄难弟世祈同Ben哥、绰号铃木一五郎嘅Suzuki同埋可人儿Pinky 一同参与演出 ~ 想知道《与女鬼的同居日常》点样由三分钟网上微小说，变成舞台剧《HElllO》？无啦啦一个HEllO又点解多咗个l？小说入面嘅一对主角小善同阿杜又会有咩发展？就记得买飞入场收睇2021年10月22号至24号，喺沙田大会堂文娱厅，共演五场嘅年度舞台剧企划《HElllO》啦！！！

---

#实验故事03 《HElllO》 蓝橘子三分钟微小说《与女鬼的同居日常》改编 #麦咏楠 X #林子杰 X #世祈 X #刘伟彬 X #陈盈加 X #李建邦 市井打工仔阿杜死悭烂悭终于喺30岁前上到车，点知个单位除咗住佢之外，仲嚟咗隻自来女鬼小善！为咗唔俾隻女鬼影响到自己栋物业嘅市值，阿杜驶尽浑身解数去驱鬼……都係徒劳无功，女鬼仲越嚟越放肆喺度执屋！？ 阿杜赶唔走隻女鬼，唯有同佢约法三章，展开不可思议嘅同居生活。直至发现…女鬼小善係自己嘅…… 原作：蓝橘子 编剧：肥利 导演：唐浩翔 王柏霖 《HElllO》基本套装 HKD320 a.《HElllO》门票乙张 b. *蓝橘子《HElllO》小说 一本 《HElllO》特别套装 HKD450 a. 《HElllO》门票乙张 b. *蓝橘子《HElllO》小说 (签名版) 一本 c. *限定纪念品 (非卖品) 演出场次：共五场 演出地点：沙田大会堂文娱厅 演出时间： 22-24/10 8:00PM 23-24/10 3:00PM *设演后座谈会 *小说及纪念品于演出当天在场地领取，建议自备购物袋 *门票不设独立发售