歷史档案馆由 8 月 23 日起逢星期一至五，上午九时至下午五时四十五分（公众假期除外）喺观塘翠屏道 13 号香港歷史档案大楼 2 楼展览厅展出「言归『证』传」展览，以香港身份证为主题，同大家介绍身份证 70 年嚟嘅演变。展览免费入场。 展览会重点介绍身份证设计变化嘅因由，展出超过 70 件馆藏。除咗入境事务处借出嘅歷代身份证同製作身份证嘅用具之外，仲包括同香港人事登记有关嘅照片，例如上世纪 60 年代市民拍摄身份证相片同流动登记队出勤时嘅珍贵歷史照片，以及政府宣传登记身份证嘅海报等展品。 因应疫情，展览厅会加强清洁，参观者亦必须遵循香港歷史档案大楼嘅防疫措施，包括喺大楼期间必须一直佩戴口罩，以及进入大楼时接受体温检测同使用酒精搓手液、使用手机扫描「安心出行」二维码或另作登记。 此外，另设网上展览（ https://www.grs.gov.hk/ws/online/hkid/tc/index.html ），亦会喺 Facebook 专页分享有关香港身份证歷史嘅有趣资讯同埋巡迴展览嘅详情，政府档案处网页（ http://www.grs.gov.hk ）亦会发布相关消息，欢迎大家浏览。 * 展览期至官方另行通知

---

为咗方便住喺港岛区嘅朋友，会由 9 月 4 日至 11 月 28日 喺入境事务大楼 (1 连接行人天桥层) 举办「言归『证』传」巡迴展览！ 有关其他场地嘅巡迴展览，资讯将会陆续更新。

---

另外，亦会喺 9 月 4 日喺香港歷史博物馆举办讲座，题目係「从歷史档案看身份证的演变」。讲座将会以粤语进行，介绍呢次展览内容同埋歷史档案馆嘅工作同服务，座位数量有限，先到先得。 巡迴展览同埋讲座都係免费入场㗎！