全球疫情之下，无论本地还是外地的演出都大受影响，咁多位金属头自然少左好多参与现场表演嘅机会，每日见住外国嘅音乐节消息铺天盖地展开，相信大家嘅肉体同心灵都饿得发慌了。所以 Hong Kong Metal Alliance 决定喺今年 10 月 31 号万圣节晚上喺 Music Zone 举办一场特别嘅金属乐队演出。 公元前五百年，居住喺爱尔兰、苏格兰等地嘅塞尔特人相信 10 月 31 日係夏天正式结束嘅日子，故人亡魂会喺呢一日回到故居地，喺活人身上找寻生灵，藉此再生。而活着的人则惧怕亡者来夺取自己嘅灵魂，于是大家就係喺呢一晚熄哂炉火、烛光，等亡者嘅灵魂揾唔到活人，并将自己打扮成妖魔鬼怪吓走亡者嘅灵魂。之后佢地又会将火种、烛光重新燃起，开始新一年嘅生活。 同样地 HKMA 都希望藉住当晚嘅演出引导大家找回对 Live Music 嗰份热情，将呢团火重新燃烧起来，喺群魔乱舞嘅万圣节释放压抑已久嘅能量！ 阵容包括： The Ancient Mental、Cadaver、Cryogenic Defilement、Protoss、Shepherds the Weak 及特别嘉宾