// 年尾 南洋大派对，门票数量十分有限售完即止 // 卖紧飞㗎喇。 每次自己想讲 南洋时都会写落好多字，跟住觉得讲多咗，然后删走大半；譬如上一篇我哋写〈佳佳〉MV，原先写咗大约 2700 字，最后出街减到得返 591 字。又例如佢哋上年隻同名大碟份新闻稿，本身写到论文咁，到派出去时亦只係一页 A4 纸份量嘅......新闻稿。 始终对住一班将所有嘢讲得如此清楚明白嘅佬，要避免画蛇添足係好困难的。睇过咁多篇关于 @nanyangpaidui 嘅报导／blog 后，唯独有一隻字係描写得宁舍精准：底层菁英。 即使放喺观念较为开放嘅欧洲国家，南洋大概都走唔上一条能够直通大雅之堂嘅路线，但文化永远係一门由下克上嘅学问 —— 将南洋放落一个有 The Fall、Campag Velocet、IDLES、Fat White Family、Iceage、MC5、The Stooges 等世界级烂仔烂佬嘅 playlist 随机播放，你自然会对 #最好嘅垃圾呢个 tag 有另一番体会。 喺疫情前，2019 前，你有机会喺 Clockenflap、TOY 专场、永发茶餐厅、泰国细fest、某台北细铺等舞台睇到佢哋嘅演出，有去过嘅，自然会记得南洋现场爆出嚟果种大大力係远远超越你听 Spotify 所能想像咁大大大大力，每秒钟都係一嘢又一嘢鞭落你块面度（除咗玩〈Indie Ching〉嘅时候）。12 月 10 号，由南洋自己担正嘅专场音乐会，一如字面所示，会係一场十二月嘅大派对。 想玩牙？嚟啰。 演出单位：南洋派对 NYPD + Room307 + QQBBG ft. Kelvin T + more