11 月 11 日，好多人都以为呢一日只係「光棍节」，各个网上购物平台都会推出优惠畀大家疯狂扫货，其实呢一日係第一次世界大战结束嘅日子—Remembrance Day（或称 Armistice Day），一般会译做「国殇纪念日」或者係「退伍军人节」。 而喺香港，呢日就称为「和平纪念日」，亦将悼念嘅人士扩展至香港保卫战中嘅捐躯者同埋第二次世界大战中嘅罹难者，而家定喺每年 11 月第二个星期日，当日喺中环嘅和平纪念碑会举行悼念活动，悼念仪式主要由香港退伍军人联会筹办。