2022年新一年开始，想出嚟做下文青嘅你，就好好把握机会啦！嚟紧1月由九龙城区议会及九龙城民政事务处合办，九龙城区议会赞助嘅 「艺绽九龙城」就可以俾你一个免费入场体验艺术既机会！今次活动内容非常丰富，有多元化嘅舞台表演、摊位遊戏及手工艺坊、展览等等，真係数之不尽呀！ 当日活动由下午12点开始，为大小朋友同样准备咗唔同类型嘅环保乐器音乐、歌唱表演、互动魔术、无伴唱合奏及舞蹈表演，锺意欣赏唔同类型表演嘅你，就一定唔可以错过呢个机会啦！咁多出色艺术表演等住你，包你嚟左会睇到唔捨得走！ 嘉年华就一定会有摊位遊戏，实唔会闷亲大家！家长同小朋友可以一齐去玩遊戏赢取奖品！係咪觉得差咁啲野？梗係啦！今次嘉年华仲为大家提供纪念品，大家可以免费换领！不过数量有限，先到先得㗎！ 大家仲可以欣赏手工艺坊嘅优秀作品展览，艺术导师同时会展示佢哋嘅珍藏艺术作品，又有展板介绍，俾大家可以亲身接触到多种艺术，并深入了解手工艺的精髓与艺术文化。 手工艺坊日期 : 1月1日(星期六)、1月2日(星期日)及1月9日(星期日) 除此以外，大家仲可以参加手工艺坊。4个特色嘅手工艺坊将会分3日举办，包括手捏陶瓷手工艺坊、皮革小零钱包手工艺坊、流体画手工艺坊以及微缩手工艺坊，完成后可以将靓靓嘅手作拎返屋企做摆设留念！全部都係免费㗎！咁吸引，仲唔快啲报名？由即日起开始接受网上报名啦，快啲按下面连结报名啦！名额有限! 1. 手捏陶瓷手工艺坊 2. 皮革小零钱包手工艺坊 3. 流体画手工艺坊 4. 微缩手工艺坊 报名表格: https://forms.gle/oMa6AgkwquQa3bAp6 手工艺坊地点：红磡社区会堂 地址：九龙红磡庇利街42号九龙城政府合署高层地下及一楼 对象 : 九龙城区居民 有兴趣参加手工艺坊嘅朋友仔可于12月15日起填妥报名表格。由于名额有限，每人最多只可预约参加一个手工艺坊，若报名人数众多，将以抽籤形式处理，我地稍后会以电邮联络成功报名嘅朋友仔。如于举办手工艺坊的3日之前仍未获电邮通知，即代表报名未能成功。 如果12岁或以下嘅小朋友想参加就必须要有家长陪同，以家长名义报名，共同製作一件作品。提一提大家，鑑于製作过程复杂，工作坊并不建议6岁以下儿童参加。 约定大家，1月30日「艺绽九龙城」见！