每年过完农曆大年初一二三，好多人钱又使哂，个行又旅完，每个人都要戴住年初四嘅心情返回生活岗位，都唔好话唔惨；再加上市面好多舖头，都未必照常营业，所以一到咗年初四开始几日都特别闷，所有开心嘅新年感觉都获利回吐 不过！今年有 MusicSoul 喺旺角麦花臣体育馆主办嘅〈边学边唱音乐市集〉，现场加埋超过二百档本地小店，仲会有本地年青人嘅 Busking 表演 大会亦将会赞助十至二十个小档作小小心意，协助一班想尝试创业嘅年青人，发挥佢哋嘅生意头脑，踏入社会前做一吓小老闆，开闢更多可能嘅未来空间。 而喺六号晚上，亦会举行一个小小嘅音乐会，邀请一众档主同学生们一齐欣赏，同时亦都会用抽奖形式送出一定数量嘅门票。 只要大家到时喺现场购物，就可以有机会得到音乐会门票，又可以买嘢，又有机会听到 Manson 同蓝仔头等当红艺人表演，呢个年初五同六嘅开心节目，等紧你哋嚟一齐支持。 2 月 6 号音乐会时间：19:00 - 20:00