麻烦务必睇晒所有字： ＊＊首先唔好问点解搞到咁复杂（其实唔复杂），总之唔係呃钱：此次音乐会是新成立的一次性fan club「戟会2022」活动，成功以$500购买「戟会2022」会籍（限定人数，与座位数目一样）一定可以得到免费门券一张，详情请看万字文下面的万字文＊＊ 《前因后果》 话说有啲队员已经知道发生紧咩事，就係寻日，我好衝动咁接受咗呢个突然发生的个人音乐会机会。(发生原因在留言处) Σ(っ °Д °;)っ 我平时有选择困难症和好怕临急临忙做决定，如果本身已经谂定食乜，但去到餐厅叫外卖时 (app冇得叫) 对方话冇晒那种食物的话，我就会方寸大乱，但又唔好意思阻住人，最后就会乱叫咗自己唔锺意食的东西 而寻日因为技术和行政原因，我一定要在短时间内决定做定唔做5日后的个人音乐会。 其实俾多几日我谂的话我应该会选择唔做的了，我呢啲玻璃sim耐冇做show真係好想继续逃避的，唔搞咪唔会失败啰 (票房)，唔搞咪唔会做得冇人哋咁好啰 （'·ω·`*） 但係寻日一来时间紧迫，惊唔把握今个机会就会冇下一次咁珍贵的巧合机会 (叫我出去自己搞一个音乐会我真係冇动力和会诸多藉口推搪)，二来被大家在另一边的甜言蜜语留言感动到流晒口水鼻涕，所以就... 话虽如此，本人都係锺意戴头盔戴到大气层咁高先安落，所以请大家留意下列事项，接受到先好join会员入场观看： 1. 大概会唱20首自己的歌，但就快更年期其实唔太锺意唱啲好轻快得意的那些歌，或那些live唱到厌，搞到就算冇唱好多年都觉得厌的歌 2. 而家净係简简单单有队band伴奏我就最高兴。如果要整video和佈景和谂其他花臣我就会唔高兴 (就算係人哋帮我整都唔高兴)，所以冇整，而且都冇时间整。有啲人可能会觉得闷，请留意 3. 冇见咁多年，我好似全地球正常人类一样都係会老咗的，希望大家高抬贵手唔好讨论我有冇老或老咗几多 (づ ●─● )づ 4. 我响往断捨离，多谢大家心意，不用送礼，谢谢 ლ(‧ω‧ლ) 5. 我而家真係好容易喊，可能由开头喊到尾令人觉得烦厌，接受到的话，都唔洗担心我，我唔开心又喊，开心又喊，感动又喊，街边隻猫痾唔出屎又喊，我净係喊，冇事的 (இωஇ ) 6. 我以前不嬲都成日弹错唱错，今次生疏咗咁多，应该会错得更加严重 7. 寻日hey不会係我的嘉宾，我唔会和他合唱，因为我有强烈的自尊唔想靠佢吸引人买飞和搞热个气氛。佢个人冇问题，只係我个自尊大过大帽山 「但係佢借个场地空档俾你wor，你唔洗还返个人情俾佢咩？」 呢个係凭我自己本事借来的空档，点解要还？ ♪～(´ε｀　) 总之，多谢大家盲目的支持。（来唔到的都多谢大家的虚拟支持） (つд⊂)

---

【会员福利】 - 每个会籍将获得《the pancakes 乱入大初恋日喊足成晚音乐会》入场券1张 (一定有位) - 一次性会员证1张 - 于音乐会现场购买the pancakes个人保存最后一批自己出版的实体CD、DVD和书籍 (每款大概20件) 和以前出过的t-shirt (约30款，每款只有一件，虽然未着过自己纯收藏有胶袋装住，但因为年月摧残，所以状态唔太理想) (很抱歉，以前因为搬屋dump咗好多好多好多好多好多自己全新的产品，我都觉得好心痛，但係作为断捨离响往者望住呢啲体积庞大的东西仲辛苦) (万一反应热烈，现场可能会限制每人只可以买一件产品) - 于音乐会现场购买the pancakes由elefant records出版的7吋红色黑胶唱片 (大概十几隻，我keep咗二十年一直都唔捨得卖，因为觉得好珍贵，好惊卖一隻少一隻，又好惊普通价钱卖完之后啲人容易dump咗或弃置在足球场更衣室，所以希望用高价HK$1,000义卖，令到真係好想好想买的人才买，款项不会扣除成本全数捐去「香港流浪狗之家」，收据将会在3个月内刊登在我日久失修的网页 (此次义卖并非和「香港流浪狗之家」的合作，纯粹本人单方面捐款)

---

【音乐会注意事项】 ＊此次音乐会只限已成功登记的会员参加。加入了的会员将获得音乐会门票1张，并采用实名制，会员于现场取票及入场时均需要提供身份证明文件核对身份。 ＊一人一票凭票入场。一经入会，除因不可控制之原因而需要取消音乐会外（例如极端天气），不可退款。 ＊为免音乐会延误，请预早在当日一小时前 (即晚上7点)，凭入会确认电邮及身份证明文件亲临香港演艺学院一楼歌剧院门口前台接待处领取会员证及音乐会门票。 ＊座位将由主办单位根据入会完成付款之时间以公平原则分配，不设自行选择座位。 ＊请配合场馆因应最新防疫预防措施所实施的特别安排及遵守政府公布最新的防疫预防措施，否则场地有权拒绝相关人士进场，有关入会费用恕不退还，敬请见谅。 ＊主办机构保留更改活动节目的权利。 ＊6月1日前已经是我patreon会员的队员可以确保一定入到会，详情请看patreon晏啲出的post