今次 Dear Jane 演唱会名为 “What’s Happening”，就是想直截了当地问候一下好久没有出户外玩的乐迷！Dear Jane 日前就为演唱会拍摄宣传海报，用了很多时间化了一个前所未有的劲妆，将摇滚同感性放埋一齐，想带出今次音乐会有以往乐迷极爱的 Dear Jane，更有大家前所未见过的 Dear Jane！因为今次音乐会将有一 part 非常非常之摇滚的音乐部份，摇滚到你唔信，大家一定要入场一齐兴奋地摇滚啦！ 为了化海报上的妆容，Dear Jane当日化咗近三个钟，四人异口同声，边化边笑，「真係未试过咁化，谂下谂下今次个妆应该都算係化得最 Rock 最爆嘅一次，哈哈。」Nice 平时好少化眼线，所以佢话今次都几唔习惯同有少少辛苦，Jackal 化完妆望镜见到自己个咀直情吓咗一吓，O 晒嘴。而 Tim 就即场剃咗半边面鬍鬚做返半暗黑半企理效果，自己都觉得癫。 户外演唱会一直都属于乐队，因为气氛会比室内场好百倍。Dear Jane 一直都希望可以拥有自己的户外演唱会，今次终于能实现梦想，喺安盛 x 竹翠公园咁正嘅场地举行首次户外演唱会，所以都感到兴奋万分，谈到外国乐队的演唱会骚，再激再劲的情节也出现过，问到他们有没有幻想过，希望可以喺户外骚做到什么？ Jackal : 「我见有啲户外嘅 show 试过掉大型嘅波波落去观众度，「插水」式咁跳落观众度 ，假如可以的话，我真係好想试下，不过疫情关係，虽然我地已经係 0+3，都係要小心防疫规则，虽然疫情进入左平台期，但都要谨守防疫规则，保持适当社交距离，哈哈⋯⋯插水我估要等下次，疫情过咗先可以试。掉波波呢，就会同演唱会监製同公司研究下，係咪可以发生，大家期待下！」 Tim : 「我见过外国骚台上嘅表演者会用啲水枪对台下嘅观众『吱吱吱』，如果可以我想试吓用我枝咪变水枪咁样『吱』大家！哈哈。」 Howie : 「 我见过有啲乐团开 show 个结他真係会喷火㗎！如果我枝结他喷火，真係正呀。」 Nice : 「喷火我都想睇下，或者演唱会入面可以放下烟花⋯⋯」 最后四人异口同声表示，「 What’s Happening？ 到时见！」 ．请勿误信非官方售票渠道

---

* 因场馆防疫规定，进入场馆必须持有并出示「疫苗通行证」。 （一般成人若已接种第二针满 6 个月，必须接种第三针方可进入场所，详细安排请参阅：https://www.coronavirus.gov.hk/pdf/vp_t1_CHI.pdf ） * 入场馆前必需利用「安心出行」手机应用程式扫描场所二维码并向场馆职员出示已扫瞄画面。 * 阁下有发烧症状、体温高于 37.5 度或未有佩戴口罩，主办方有权拒绝阁下进场，演唱会门票费用、购票手续费恕不退还。 * 现场严禁饮食，观众须在演出期间全程妥善戴上口罩，如有违反，主办方有权请其离场。

---

Follow 埋 Timable 演唱会 FB 专页： https://www.facebook.com/timable.hk.concerts