Update 29/6/2022: 週末好去处，蒲吧全日 show 不停 特别加开！！免费！！【蒲吧廿週年音乐祭 - 下午场】 【蒲吧廿週年音乐祭】一出街，就收到好多蒲吧 band 友嘅心声，都想番嚟呢个一齐成长嘅地方共同回忆睇 band show，终于蒲吧团队都不遗余力、竭尽所能搞到个【蒲吧廿週年音乐祭 - 下午场】俾大家尽兴。 蒲吧一直爱青年人所爱，一直相信每个青年都有才能 【蒲吧廿週年音乐祭】两场 show 邀请嘅 band 队，可能有你好熟悉好锺意嘅，亦有你不认识嘅，但蒲吧就係一个畀青年人可以自由发挥同埋发光发亮嘅舞台，每一位上台嘅 band，都好值得大家嘅支持同鼓励，有你哋嚟先有台上嘅表演者，多谢大家支持蒲吧！7 月 9 日见！ 表演嘉宾︰ King Ly Chee Revery 带菌者 蓝图 KATER The Lemon Ones 同日其他活动（12:30pm - 10:00pm)： 蒲吧 open day 打卡日 蒲吧廿週年音乐祭 一系列精心製作纪念品（免费派发）

---

蒲吧 20 岁大啦！ 蒲吧一直爱青年人所爱，一直相信每个青年都有才能，而蒲吧就係一个俾青年人自由发挥嘅舞台，咁多年都发展咗好多唔同文化，亦都有好多好出色青年喺度诞生！ 想当初有几个钟意夹 band 嘅同事，就土炮式搞下歌唱比赛，然后见好多青年锺意音乐，同事就自己组成 band 队有活动就表演下，就係咁，一班对 band 有热诚嘅同事，推动左蒲吧成为一个 band show 嘅圣地。 20 年嚟，蒲吧 band 文化嘅发展有高有低，有做得好亦有需要改善嘅地方 而蒲吧都好感激一路以来，有好多 band 友、band 队都一齐陪住蒲吧成长，当中大家一定都有好多深刻而又开心嘅成长回忆，每一个曾踏足蒲吧嘅人，都非常感激！ 呢 3 年因为疫情，蒲吧都无可奈何地搞少咗好多show，而藉着今次「蒲吧廿週年音乐祭」，蒲吧都好想能够同 band 友一齐庆祝尽兴，但因防疫关係，场地人数亦有限制，所以决定当日所有 band show 门票，都会喺网上售票平台，公开及以实名制形式发售，希望人人都可以有公平机会买到飞，亦希望多 D 人买到飞啦！！！ 最后，知道大家今次唔够喉嘅！未来一有机会，就会继续搞 band show 㗎！㗎！㗎！ 多谢大家继续支持蒲吧！7 月 9 日见！ 表演嘉宾︰ Neko No Kizu Zpecial Pandora ToNick Kolor 逆流 * 门票收益扣除开支，全数拨捐协青社青少年发展用途 1. 因场馆防疫规定，入场馆前必需利用「安心出行」手机应用程式扫描场所二维码，并向场馆职员出示已扫瞄画面。 2. 入场观众须符合「疫苗通行证」要求，否则场地有权拒绝入场，而门票款项将不获退回。请随身携带电子或纸本的疫苗接种纪录或豁免证明书，而有关「疫苗通行证」详情请参考 https://bit.ly/3LuXdKC 。 3. 如阁下有发烧症状、体温高于 37.5 度或未有佩戴口罩，主办方有权拒绝阁下进场，有关门票费用恕不退还。 4. 协青社范围内「无烟、无酒、无毒品」，而表演场馆内亦严禁饮食，观众须在音乐会期间全程妥善戴上口罩，如有违反，主办方有权请其离场，有关演唱会门票费用亦恕不退还。 5. 如政府公佈更新防疫措施，届时必须遵守最新之防疫安排。

---

Update 21/6/2022: - 实名制门票将于 27/6 10am 公开发售

---

「蒲吧廿週年」咁大件事点可以唔讲呀 20 週年梗係约定大家一齐 happy 准备定一系列精彩嘅活动等紧你：音乐祭 > 桌球 > 飞镖 > 篮球 9/7/2022 蒲吧廿周年音乐祭 band show 约定你！！！到时见！！！