From 你好，我来自香港，我叫阿强 IG： 今次展览同上年一拳嘅展览唔同， 主要展品都係手绘手写，所以大家睇时可以行好近好近睇细节，同要爱惜展品如爱惜你嘅初恋 哩个展览係想用第一身视角同大家讲返监狱嘅日常同资讯，好似图中嘅图仔就係画咗大部分可以入比囚友嘅物资 不得不承认，还押坐监成为咗病态社会下嘅新常态，我想用一个轻鬆啲嘅手法去帮助大家消化哩个沉重嘅现况 即使图画再色彩缤纷再搞怪都好， 我都唔係想消费 / 娱乐任何一个人， 虽然知道读者会明白我 但始终监狱主题嘅展览唔多，都想讲多少少自己谂法 Anyway 记住携老带眷去睇展览啊！

---

如果你有听过风吹起写满字嘅纸发出嘅声音，⁣就会知道同风吹起一张空白嘅纸发出嘅声音，係完全唔一样⁣ 我认识嘅写信师，⁣佢哋就係不断寄出一封又一封被风承认重量同心意嘅信⁣ ⁣ 无论係写信嘅人、被囚同还押嘅人、等候囚友嘅人、想帮助在囚人士嘅组织，⁣大家都係付出无法预计嘅「时间」⁣ 所以今次，我想用我可以付出嘅最长时间去画每一幅画 同完成哩个展览⁣ ⁣ 我知道世上最能打动人心嘅係故事；⁣ 但係看似无温度嘅资讯、无情绪起伏嘅文字往往可以令我地睇到更阔、更接近真实、真相⁣ ⁣所以希望大家可以用时间慢慢去感受每一幅画、⁣每一隻字（我知好多）⁣ 睇完之后你会发现，⁣其实监狱日常，同我地好近、好近⁣