「因爲想搞吓试吓，所以我哋试吓搞吓。」 有睇过英雄本色嘅朋友， 应该都会记得Mark哥同豪哥喺台湾翻香港之后， 不约而同嚟到美华工业中心， 落魄咁一个帮人洗车，一个揸的士爲生。 土家受重建影响，被迫化整爲零， 离开鸿福街，辗转闯进美华。 本来大家都好似 Mark 哥咁准备转行洗车㗎啦， 但係大家都相信社区未完，仲有好多可能性， 于是搬到美华之后大家都喺度谂紧新地方究竟可以有咩搞作， 再次化零爲整。 喺一个百无聊赖嘅夜晚，土家人如常围炉吹水期间， 提起我哋自 2020 土墟年宵之后，都好耐无搞过土墟了。 突然有人忽发奇想，讲咗句： 「不如试吓搞翻土墟？」 仲记得 2015 年，土家喺鸿福街搞咗一次以物易物， 自此，土墟就喺鸿福街空地呢个公共空间诞生， 由一两个地摊发展成每个月最后一个星期一都会搞一次嘅墟市。 搬到上美华之后， 我哋好希望可以将美华呢个「私人地方」变成一个公共空间， 于是乎就萌生咗喺美华搞翻土墟嘅念头。 今次土墟除咗有档主之外，亦都开设唔同工作坊， 仲有卡坦岛大赛比大家报名参加， 有兴趣报名嘅朋友，就揿入下面嘅 Link 睇吓啦~ 就係咁，我哋试吓搞， 唔知到时呢你哋又会唔会上嚟试吓行？ 到时上嚟仲可以免费品嚐印度拉茶 Masala Tea 一杯

---

特备节目及工作坊： 报名连结：https://linktr.ee/tohomehk 【本土食农私房x菜 － 悭功夫包工作坊】 个名叫做「悭功夫包」皆因免搓揉，晚上备好粉团低温发酵，瞓醒摺被又摺粉团 （冇错！摺几下跟住入炉焗）简单易学；导师会为大家准备低温发酵好嘅粉团。 【The Lights in You － 珍珠奶茶造型蜡烛工作坊 】 学习基本调色和调香 整到一杯珍珠奶茶造型既蜡烛带返屋企 闻落去仲係茶香味㖭㗎 由上面粒冰 ，到中间嘅奶茶，再到下面嘅波霸珍珠都係可以燃烧嘅蜡烛嚟 【幼稚园工作室 — 传统白铁工艺 X 铝製飞机工作坊】 贪玩的白铁师傅 Michael 机缘巧合下，与一位艺术家创作了白铁飞机，再慢慢演变成饰物吊饰，让白铁工艺更具时代感。工作坊让温柔的朋友仔都能体验打白铁，以传统打白铁技巧製作自家饰物，把它们轻轻鬆鬆的带回家。 【绘本x盆景製作：口袋裡还有一颗种子 】 绘本选择｜《班雅明先生的神秘行李箱》、《蓝色大树》 活动内容｜我们一起读绘本，也一起製作多肉植物盆景。 【卡坦岛大赛】 设 3 个比赛时段，每时段一局 ( 1:30-3pm，3:30-5pm，5:30-7pm ) 每局限时 1.5 小时，最高分者胜出 每局比赛胜出者可获赠 荣光街 Tee 一件 设Google form 预先报名 , 每组名额 3 位 ( 报名按金 $30/位 ) 设土墟 walk-in 名额，每组 2 位

---

特色摊档：(不断更新中) 1. 幼稚园工作室 2. The Lights in You 3. "Kamachannelling x 铁妈酱料 x sisternchick" 4. 唔知叫乜好士多 “NgGCallWtStore" 5. 本土食农私房 6. Daysi x Henna手绘 7. Mixgoods 8. BK Bakery 9. 吾家手作 10. 够钟收档互助厅 11. 写信组 x 封信子 x 出猫纸 12. Board game区 ( 1pm - 7pm / 随时参战 ) 13. 土家 x 寄卖 (有两姊妹凉皮嘅辣椒油 ）