第 65 届体育节重点活动–第四届香港赛车运动节将于 8 月 20 日至 21 日（星期六至日）喺数码港商场举行。好多人以为赛车运动员只係坐喺驾驶座揸车，无大动作，但你知唔知佢哋点样练习呢？ 赛车係一项对体能要求极高嘅运动。顶尖赛车运动员嘅心跳率同肺活量要求极高，同马拉松跑手差唔多，所以佢哋要持续锻鍊心肺功能，例如游水、跑步同埋踩单车等。佢哋平时仲需要针对手臂、颈部同埋心胸部分进行高强度重量训练，等佢哋足以应付比赛期间嘅高速转弯同軚盘操作。除咗体能同埋力量之外，佢哋仲要练习手眼协调、专注力同即时反应，确保佢哋喺紧张刺激嘅比赛入面可以及时作出正确决定，保障自己同埋其他车手安全。所以我哋绝对唔可以睇少赛车运动员背后嘅付出呀！ 除咗早前喺巡迴展览安排嘅电竞赛车体验专区外，香港汽车会将会喺第四届香港赛车运动节期间举行电竞赛事表演赛、展览摊位、户外赛车展览同埋赛车运动工作坊，由合资格嘅工作人员同埋香港赛车运动员分享同详尽介绍香港赛车运动发展，例如香港汽车会歷史同埋赛车器材等。透过多元化资讯同体验，扩阔市民对赛车运动嘅认识。 透过体育节网站报名系统登记嘅参加者将于活动当日获得体育节纪念品乙份。名额有限，先到先得，额满即止。 登记连结：https://fos.hkolympic.org/zh/65-automobile （预先登记名额：每日 400人）