Update 28/10/2022: 杨学德 绘画展 「今天不唱情歌」，展期延长至 11 月 6 日

---

「火爆的艳阳 恋爱的剧埸 一切都非常 炽热与漫长 令人归向极原始印象 再不要涂面霜 共舞夏日长 噢阿伊嘢 噢阿伊嘢 噢阿伊嘢呵呵⋯」 唔係爱歌，都可以勾起番啲回忆画面⋯⋯好似係一九九四年夏天某个通顶夜，差啲要瞓着就听到呢啲「噢阿伊嘢呵呵」，即刻醒晒。出嚟打工冇耐，人工好歪，俾咗家用后就冇乜钱使，月尾要捱老麦，但係都无忧无虑，成班年青人冇乜机心，嘻嘻哈哈 X 来 X 去又一日。冇谂过将来想点，典型港猪，挂住玩挂住食，无无聊聊咁虚度晒啲青春，生活係开心嘅，不过都回不去了。 好多年之后杨学德以画画为业，储起好多回忆画面做精神食粮，应该唔会饿死住⋯⋯ 展览展示阿德最新 二十五幅 全新纸本作品