10月份，又到户外活动季节，係时候露营行山，做个山系型人！想入手装备唔想花冤枉钱？德福广场将化身为森动市集，无论係山系露营、户外运动，定係想将环保同健康概念融入日常生活，森动市集多款型格装备都可以满足你！ 走入山系露营区，可以发掘唔同适合秋天露营嘅好物。远野仓库齐集各式新奇有趣露营装备，韩国大热气氛露营灯Claymore Lamp Selene，简易调节4种不同气氛模式，绝对係露营必备，加埋个升级版双人户外小屋帐篷，同三五知己夜晚坐喺到休息睇星，好chill啊！ 6dots一系列行山及户外装备设计走简约路线但不失时尚感。入手一顶沙色渔夫帽，为你嘅户外穿搭增加亮点。衬埋拼色X-PAC背囊，容量充足之余顔色又够抢眼，非常适合露营用！ 一众知己去露营又点少得酒呢！要装靓酒当然需要一个靓杯。香港品牌森．匠- Silva Artis热卖「山系钛双层钛杯」推出多个款式，以香港地貌作爲主题，由本地插画师亲手绘图，非常有心思！双层设计不但保温，更不会烫手，露营想饮酒定热汤都冇问题！ 大型露营装备用品店Funshop Outdoor将于14-16日期间限定出现！精心挑选各类户外露营装备，不论新手老手，总有样野跟你走！有冇谂过将露营傢俬融入家中？Post General INOUT系列双层露营置物挂架上层可以放置小物，下层可以放衣物、毛巾、拖鞋等家品，如果周末约咗朋友露营，就可以成个挂架拎出去，一物两用，适合热爱户外活动嘅你！ 好嘅运动装备可以释放你最大嘅潜力，一齐转战运动用品区！Supamax全新色薄荷绿色瑜伽垫，充满清新感仲非常舒适，流汗运动都开心！仲有多款跑步、单车类运动用品等各位运动达人选购！ 德福广场商户Decathlon、Columbia、Skechers 更于场内展示当季时尚新品，为你介绍多元化山系运动装备，轻鬆应付不同户外活动。 森动市集特设健康生活区，最啱享受静态活动，但又想保持身心灵健康嘅你！块根植物绝对係新潮流！在森林和圆嘢带嚟多款自家培植嘅特色植物，例如龟甲龙、象牙宫等。独一无二嘅造型提升家居氛围，仲有绿化作用添！ 咖啡因係好多人每日嘅精神来源，Miss J Square Coffee带嚟自家烘焙咖啡豆，无论你锺意Fruity定Nutty，都一样轻鬆揾到你嘅心头好。仲可以入手埋轻便易用嘅手冲咖啡工具，随时随地炮製专属咖啡！ Goo’s Living 菇事屋精心挑选日式露营家品，用精緻小物疗癒你嘅身心灵。例如Fluffy 日本天然实木动物筷子，由工匠手工雕刻上色而成，造型相当可爱。而且有额外涂层令筷子耐水耐热，等你安心使用，享受户外餐桌小时光。仲有大量日本製茶杯、汤碗、摆设等的骰生活小物等紧你！ 丹禄嘅台湾农产品，大多以天然有机方式製造，保持台湾风味之余又天然健康。特别推介来自台南盐水区 盐水区农会嘅帅哥番茄，比一般番茄多一倍嘅茄红，绝对会成为新兴嘅健康零食！PMA DIY主打纯天然护肤品，原材料自家製造成分天然新鲜。有皇牌暗疮消炎啫喱、紧致眼霜、防蚊防虫製品等，一应俱全！ 商场内更有多个「森动」消费礼遇同运动类别商户独家优惠。10月7日至31日期间，于德福广场运动用品类别商户单一消费满HK$200 即可享5倍MTR分；10月7日至23日期间，于「森动市集商户」单一消费满HK$100，并扫瞄商户的指定QR code，即送你港铁商场HK$100电子优惠券1张。一于同埋亲戚朋友嚟到德福广场过一个「森动」十月啦！ 优惠受有关条款及细则约束。