扎作技艺係香港非物质文化遗产 (非遗) 代表作名录嘅项目之一，相信大家喺唔少节日庆典中都会见过扎作製品嘅踪影。而家大家唔使等过节都可以喺香港非遗中心，近距离欣赏多个结合传统扎作技艺同个人创意嘅纸扎作品。 为咗传承同推广扎作技艺，资深扎作工艺师许嘉雄师傅透过「非遗资助计划」举办咗一系列名为「民间手艺．扎作传承」嘅工作坊，亲自教授学员扎作中秋花灯、醒狮头、花炮 同埋纸扎祭品等技巧，俾学员一嚐扎作嘅乐趣。而家许师傅喺香港非遗中心展出部分学员嘅作品㖭！想了解多啲扎作技艺呢项香港非遗项目，就记得嚟睇吓啦！